Arian i bobl hŷn aros yn eu cartrefi eu hunain

Mae’r gwasanaeth yn cynorthwyo pobl hŷn i drwsio, gwella ac addasu eu cartrefi fel eu bod yn gallu parhau i fyw’n gysurus ac annibynnol, a hynny trwy gynnig amrywiaeth o wasanaethau fel:

• cydlynu’r holl wasanaethau sydd eu hangen i gwblhau’r gwaith yn llwyddiannus
• cyngor am yr opsiynau sydd ganddynt o ran tai
• darparu atebion sydyn yn fewnol, yn aml trwy wasanaethau cynnal a chadw Gofal a Thrwsio

Wrth gyhoeddi’r arian, meddai Huw Lewis, y Gweinidog Tai, Adfywio a Threftadaeth:

"Mae Gofal a Thrwsio yn wasanaeth gwerthfawr i alluogi pobl hŷn a bregus trwy Gymru barhau i fyw’n ddiogel ac annibynnol yn eu cartrefi eu hunain cyhyd â phosibl. Trwy wneud addasiadau syml i gartref rhywun, fel gosod canllawiau bychain neu risiau gwell, gellir cael effaith fawr ar ansawdd eu bywyd.

"Mae ymchwil diweddar wedi dangos bod pob £1 sy’n cael ei wario ar Ofal a Thrwsio yn arbed £7.50 i’r trethdalwr o ran costau’r GIG a Gofal Iechyd, felly mae gwario arian ar wasanaethau fel hyn hefyd yn gwneud synnwyr ariannol, yn enwedig yn yr adeg anodd hon."

Meddai’r Gweinidog:

"Mae Llywodraeth Cymru yn dal wedi ymrwymo i wella bywydau pobl hŷn trwy sicrhau eu bod yn gallu byw’n annibynnol cyhyd y byddant yn dymuno hynny. Mae pobl yn byw am fwy o amser, ac fe ddylent hefyd fod yn gallu byw bywyd gweddol. Mae’r arian hefyd yn helpu pobl hŷn i ddychwelyd adref yn gynt ar ôl treulio amser yn yr ysbyty, a dyma enghraifft o’r ffordd y mae Llywodraeth Cymru yn gweithio i wella’r gofal i gleifion ac yn mynd i’r afael â’r broblem oedi wrth drosglwyddo o’r naill ofal i’r llall."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan