Agor Canolfan Cam-drin Domestig Aberconwy ar ei newydd wedd

Wrth agor Canolfan Cam-drin Domestig Aberconwy yng Nghyffordd Llandudno, dywedodd y Gweinidog Llywodraeth Leol a Chymunedau, Carl Sargeant, y byddai’r adnoddau’n gwella’r gwasanaethau sydd ar gael yn yr ardal i ddioddefwyr cam-drin domestig a’u teuluoedd.

Sefydlwyd canolfan amlbwrbpas  Gwasanaeth Cam-drin Domestig Aberconwy i ddarparu gwasanaeth a chyfleusterau ar gyfer pobl syddd am drafod materion yn ymwneud â cham-drin domestig a diogelwch cymunedol. Mae’n cefnogi dynion a merched sydd wedi dioddef cam-drin domestig.

Meddai Carl Sargeant

"Rwy’n falch iawn fod Llywodraeth Cymru wedi gallu cymeradwyo cyllid o hyd at  £138,000 yn 2010/11 i dalu am adnewyddu’r adeilad. Mae hynny’n dangos mor benderfynol yr ydw i, hyd yn oed yn yr hinsawdd economaidd anodd bresennol, i wneud yn siŵr bod dioddefwyr yn cael eu cefnogi yma yn y Gogledd ac yng ngweddil Cymru. Rwy’n gwybod bod pawb sy’n rhan o’r prosiect yn edrych ymlaen at weithio mewn adeilad pwrpasol fel hwn.

"Mae’r gallu i gynnig gwasanaethau mewn amgylchedd fel hwn yn allweddol o ran parchu urddas menywod sy’n dioddef trais a phobl sy’n dioddef cam-drin domestig. O hyn ymlaen byddant yn gallu siarad gyda gweithwyr proffesiynol mewn lle diogel, cyfforddus a chyfrinachol.

"Fe hoffwn i ddiolch i Wasanaethau Cam-drin Domestig Aberconwy am eu dyfalbarhad wrth ddatblygu’r gwasanaeth hollbwysig hwn."

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan