Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Dywedodd y Gweinidog:
“Ers y cyhoeddiad a wnes ym mis Mai, mae’r diddordeb yn y gronfa newydd, Buddsoddi i Arbed, sy’n werth £60 miliwn, wedi bod yn eang, gyda nifer o ymholiadau a thros 100 mynegiant o ddiddordeb yn cael eu cyflwyno i’w hystyried.”
Wrth gyhoeddi’r prosiectau llwyddiannus cyntaf dywedodd y Gweinidog:
“Rwy’n falch fod cryn ddiddordeb wedi bod oddi wrth sefydliadau sy’n ceisio am gymorth o’r gronfa newydd hon. Mae angen i ddarparwyr gwasanaeth cyhoeddus ddod o hyd i ffyrdd mwy craff o weithio a bydd y gronfa hon yn eu helpu i weithredu newidiadau sy’n arwain at ryddhau arbedion effeithlonrwydd. Rwy’n falch i gyhoeddi y bydd 17 o brosiectau yn cael cymorth ar yr adeg hon a thua £8.2 miliwn yn cael ei fuddsoddi o’r gronfa. Mae rhagor o brosiectau’n cael eu hystyried ac rwyf hefyd yn bwriadu agor y gronfa eto i geisiadau newydd ym mis Tachwedd.
“Mae angen i gyllidebau tynnach gael eu llunio o gwmpas effeithlonrwydd – mae hynny’n golygu canolbwyntio ar wella gwasanaethau ac ar yr un pryd lleihau costau a sicrhau’r gwerth gorau posibl ar gyfer y bunt Gymreig. Mae’r Gronfa Buddsoddi i Arbed yn helpu i ysgogi cyflwyno dulliau newydd, mwy effeithlon o weithio, ac felly’n cefnogi darparu arbedion effeithlonrwydd. Rwy’n annog cyrff cyhoeddus i fanteisio’n llawn ar y Gronfa hon er mwyn eu helpu i sicrhau newid sy’n fanteisiol.”
Dyma rai o’r prosiectau sy’n cael eu cymeradwyo:
- Un ystafell reoli teledu cylch cyfyng fodern ar gyfer Gogledd Cymru - prosiect cydweithredol sy’n cynnwys y 6 Awdurdod Lleol yng Ngogledd Cymru a Heddlu Gogledd Cymru lle bwriedir sicrhau arbedion effeithlonrwydd blynyddol o £450,000.
- System dreuliau electronig integredig ar y we ar gyfer GIG a fydd yn disodli’r system gyfredol sy’n seiliedig ar bapur ac yn rhyddhau arbedion o £98,000 y flwyddyn – bydd y cam cyntaf yn cael ei weithredu gan Bartneriaeth Cymorth Busnes Gogledd Cymru.
- Paratoi cynigion manwl ar gyfer uno posibl rhwng Cyngor Sir Powys a Bwrdd Addysgu Iechyd Lleol Powys, lle ystyrir y bydd arbedion effeithlonrwydd o £1 – £2.5 million yn bosibl.
- Gweithredu offer arloesol e-Fasnach cyfnewidcymru yng Nghyngor Bwrdeistref Sirol Merthyr Tudful, gan symud yr awdurdod i ffwrdd o’r system draddodiadol sy’n seiliedig ar bapur i drefniant yr 21ain ganrif, a allai sicrhau £8 miliwn o arbedion effeithlonrwydd dros bum mlynedd. Mae sgôp i sefydliadau eraill fabwysiadu cyfnewidcymru lle gall cymorth o’r gronfa Buddsoddi i Arbed fod ar gael.
- Gwasanaeth i atal plant sy’n derbyn gofal o ardal Abertawe rhag cael eu lleoli y tu allan i’r ardal a sicrhau bod y rhai sydd eisoes y tu allan i’r ardal yn cael eu dychwelyd yno’n gyflym – rhagwelir y bydd y cynnig yn gwella’r gwasanaeth presennol ac yn dod ag effeithlonrwydd o £147,000 fesul lleoliad.
16 Hydref 2009
