Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Trwy Gydol Llynedd/Yn Gynnar Eleni
Gweinidogion Llywodraeth y Cynulliad yn nodi bod amseroedd economaidd heriol o’n blaen. Negeseuon clir yn cael eu rhoi i wasanaethau cyhoeddus yng Nghymru y dylent ddechrau cynllunio nawr ar gyfer amseroedd ariannol anoddach i ddod.
26 Chwefror 2010
Yr Uwchgynhadledd Gwasanaethau Cyhoeddus cyntaf yn pwysleisio her newid, delio â phwysau ariannol, a datblygu ymateb cydweithredol, nodweddiadol Gymreig.
18 Mawrth 2010
Cyfarfod cyntaf y Bwrdd Effeithlonrwydd ac Arloesi. Sefydlwyd y Bwrdd i arwain ar y gwaith o wella effeithlonrwydd gwasanaethau cyhoeddus, a hybu arloesedd a chysylltiad â’r cyhoedd yn y ffordd y caiff gwasanaethau eu cynllunio a’u darparu i ddinasyddion.
24 Mai 2010
Llywodraeth Prydain yn cyhoeddi y byddai’n torri cyllidebau eleni o gyfanswm o £6.2 biliwn.
22 Mehefin 2010
Canghellor y Trysorlys yn cyflwyno cyllideb frys 2010. Mae’r gyllideb hon yn cynnwys cyfuniad digynsail o:
- gynnydd mewn trethi – cyfanswm o dros £8bn erbyn 2014-15;
- toriadau mewn budd-daliadau – cyfanswm o £11bn erbyn 2014-15;
- a thoriadau pellach mewn gwariant gyhoeddus – cyfanswm o £20bn erbyn 2014-15.
Llywodraeth Cynulliad Cymru yn ymateb i’r gyllideb, gan ddisgrifio’r cynlluniau fel “newyddion difrifol i bobl Cymru”. Cyn gwneud penderfyniad i ohirio rhywfaint neu holl doriadau Cymru tan y flwyddyn nesaf – fel y gynigwyd gan y Prif Weinidog – eglurodd y Gweinidog dros Fusnes a’r Gyllideb bod angen mwy o eglurder o ran maint y toriadau, a sut y byddent yn cael effaith ar gynlluniau gwario cyfredol Llywodraeth y Cynulliad.
Mehefin/Gorffennaf 2010
Y Prif Weinidog a’r Gweinidog Cyllid yn dechrau ymgynghori gyda amrywiaeth eang o gynulleidfaoedd ar y rhagdybiaethau cynllunio cychwynnol y mae Llywodraeth y Cynulliad yn eu defnyddio i gynllunio ar gyfer Cyllidebau’r flwyddyn a ddaw – gostyngiadau refeniw o 3% y flwyddyn ar gyfartaledd a 10% ar gyfer cyfalaf. Y Gweinidogion yn rhoi amlinelliad o feysydd o Gyllideb Llywodraeth y Cynulliad sydd i gael eu diogelu i raddau – ysgolion, sgiliau, gofal iechyd sylfaenol a chymunedol, a manteision cyffredinol (tocynnau teithio rhatach, llaeth am ddim mewn ysgolion, brecwast am ddim, presgripsiynau am ddim a nofio am ddim).
6 Gorffennaf 2010
Comisiwn Holtham yn cyflwyno ei adroddiad terfynol ar gyllid ar gyfer Cymru i’r Prif Weinidog, y Dirprwy Brif Weinidog a’r Gweinidog Busnes a’r Gyllideb. Adroddiad y Comisiwn yn canfod bod Cymru yn cael ei thanariannu’n sylweddol o ganlyniad i drefniadau ariannu presennol.
13 Gorffennaf 2010
Wedi ystyried yn ddwys, Llywodraeth Cynulliad Cymru yn penderfynu cymeryd cymaint â phosib o doriadau 2010-11 i’r gyllideb, ond heb gymryd arian o flaenoriaethau polisi allweddol, ac yn enwedig heb gymryd risgiau o ran adferiad bregus yr economi. Cyfran Llywodraeth Cynullid Cymru o’r toriadau yw £162 miliwn, sy’n golygu £113 miliwn mewn refeniw a £49 miliwn mewn cyfalaf.
15 Gorffennaf 2010
Y Gweinidog Busnes a’r Gyllideb yn cyfarfod â Cheryl Gillan, Ysgrifennydd Gwladol Cymru a Danny Alexander, Prif Ysgrifennydd y Trysorlys, yn ogystal â Gweinidogion Cyllid o’r gweinyddiaethau datganoledig. Y Gweinidog yn trafod ystod eang o faterion Cymreig â’r Ysgrifennydd Gwladol a’r Prif Ysgrifennydd, gan gynnwys prosiectau cyfalaf sylweddol sy’n bwysig i Gymru, ac argymhellion adroddiad Comisiwn Holtham, yn enwedig bwysigrwydd ariannu teg i Gymru cyn Adolygiad Cynhwysfawr o Wariant Llywodraeth Prydain ym mis Hydref.
Haf 2010
Mae’r gwaith o nodi ble y gellir gwneud arbedion refeniw pellach yn y gyllideb yng Nghymru yn parhau i fynd rhagddo. Mae Llywodraeth Cynulliad Cymru yn parhau i edrych am gyfleoedd i wneud arbedion pellach dros y misoedd nesaf – ond dim ond ble y gall wneud gostyngiadau sydd ddim yn arwain at ganlyniadau annerbyniol.
Medi 2010
Y Gweinidog Busnes a’r Gyllideb yn rhoi amlinelliad o Daith Cyllideb o amgylch Cymru, gan gyfarfod gweithwyr yn y sector cyhoeddus, i ddod i wybod eu barn am ble y gellir gwneud arbedion effeithlonrwydd, a sut y gellir gwella gwasanaethau i’r rhai hynny sy’n dibynnu arnynt fwyaf.
15 Medi 2010
Y Gweinidog Cyllid yn cyfarfod â Cheryl Gillan unwaith eto, Ysgrifennydd Gwladol Cymru, a Danny Alexander, Prif Ysgrifennydd y Trysorlys, yn ogystal â Gweinidogion Cyllid o’r gweinyddiaethau datganoledig.
20 Hydref 2010
Canlyniad Adolygiad o Wariant Llywodraeth Prydain, fydd yn penderfynu ar lefel y cyllid fydd ar gael i Lywodraeth Cynulliad Cymru dros y bedair mlynedd nesaf.
Tachwedd 2010
Cyhoeddi cyllideb ddrafft Llywodraeth Cynulliad Cymru, yn rhoi amlinelliad o sut y bydd yr adnoddau sydd ar gael yn cael eu dosbarthu rhwng portffolios a rhaglenni gwariant Gweinidogion.
Tachwedd 2010- Ionawr 2011
Y Cynulliad yn craffu ar gynlluniau gwario y Llywodraeth.
Dechrau Chwefror 2011
Trafod cyllideb derfynol Llywodraeth y Cynulliad.
