Paratoi ar gyfer yr Eira

Mae gan Carl Sargeant, y Gweinidog Cyfiawnder Cymdeithasol a Llywodraeth Leol gyfrifoldeb cyffredinol dros gydlynu gwaith ledled Cymru mewn tywydd drwg.  Mae’n barod i arwain trwy gysylltu â llywodraeth leol, Llywodraeth y Cynulliad a chyrff eraill y sector cyhoeddus, a bydd hefyd yn arwain y gwaith o gynllunio wrth gefn pe bai argyfwng yn codi.  

Meddai Carl Sargeant:

"Mae’n bwysig paratoi cymaint â phosib ar gyfer y tywydd gaeafol sydd wedi’i ddarogan.  Mae gwasanaethau cyhoeddus fel gofal yn y cartref a phrydau ar glud yn aml yn hanfodol i bobl fregus, ac mae’n rhaid inni wneud popeth o fewn ein gallu i barhau i’w darparu.  

"Mae cadw traffig a phobl i symud trwy raeanu a chlirio eira ar rwydwaith y ffyrdd hefyd yn hanfodol.  Dyna pam y cyhoeddais gyllid ychwanegol o £7 miliwn yn ddiweddar i Gynghorau ei wario ar drwsio tyllau a phrynu halen ar gyfer y ffyrdd y gaeaf hwn.  

 "Yn olaf, mae’n bwysig cofio y gall bawb chwarae eu rhan trwy sicrhau bod cymdogion, perthnasau a ffrindiau bregus ac oedrannus yn iawn, a chynnig help llaw iddynt."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan