Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Wrth siarad yn y Cyfarfod Llawn, dywedodd y byddai Llywodraeth Cymru, yn ogystal â gwerthfawrogi gwasanaethau cyhoeddus a pharhau i fuddsoddi ynddynt, hefyd yn eu herio i gyflenwi er lles pobl Cymru.
Dywedodd Carl Sargeant,
"Mae ein hagenda ddiwygio yn rhaglen weithredu ymarferol a fydd yn cefnogi'r gwaith o gyflenwi gwasanaethau gwell mewn cyd-destun ariannol heriol.
"Er mwyn egluro sut y dylai gwasanaethau cyhoeddus gydweithredu rwyf wedi nodi’r patrwm hwn ar gyfer cyflenwi gwasanaethau. Rwy'n disgwyl i'r patrwm hwn fod yn sail i'r cydweithredu yn y dyfodol rhwng y gwasanaethau cyhoeddus.
"Mae'r patrwm yn darparu cydlyniaeth ar gyfer cydweithredu rhanbarthol yn y dyfodol ar draws y gwasanaethau cyhoeddus ac yn rhoi'r eglurder hwnnw y mae llywodraeth leol ei hunan wedi gofyn amdano.
"Os yw bod yn fach yn gallu bod yn fantais mewn termau democrataidd, mae'n risg i berfformiad os mai cyfyngedig yw’r gallu sydd gan sefydliadau bach i fynd i'r afael â heriau strategol. Mae cydweithredu yn hanfodol i welliant a dyna pam rwy'n diwygio'r Cyngor Partneriaeth ac yn ei herio i ddarparu’r arweiniad gwleidyddol i wella gwasanaethau cyhoeddus.
"Bydd y Cyngor yn bartner allweddol wrth fynnu bod llywodraeth leol yn gyfrifol am gynnydd. Er mwyn sicrhau y caiff hyn ei gyflawni ceir Compact â llywodraeth leol a fydd yn egluro'n fanwl yr hyn sydd angen ei wneud, gan bwy ac erbyn pryd.
"Hoffwn hefyd weld Aelodau etholedig lleol yn hyrwyddo anghenion eu cymunedau ac yn mynnu bod rheolwyr yn atebol am eu heffeithiolrwydd wrth ddiwallu'r anghenion hynny. Gwaith yr Aelodau lleol yw craffu ar y trefniadau hynny, sut bynnag y cânt eu darparu, a sicrhau nad yw'r patrwm mewn unrhyw fodd yn torri ar draws hyn.
"Ochr yn ochr ag arweiniad gwleidyddol mae'n rhaid inni gael arweiniad gweithredol effeithiol, sy'n trosi'r ewyllys yn gyflenwi. Bydd y grŵp newydd, Grŵp Arweinwyr y Gwasanaethau Cyhoeddus, y mae ei aelodau'n arwain llawer o'r sefydliadau gwasanaeth cyhoeddus mwyaf yng Nghymru, yn gwneud gwaith hanfodol er mwyn sicrhau bod manteision unrhyw newid yn cael eu gweld ledled Cymru.
"Mae Llywodraeth Cymru wedi ymrwymo i gefnogi’r gwasanaethau cyhoeddus yng Nghymru i wella'r cyflenwi a lleihau'r gost. Er y byddwn yn parhau i werthfawrogi gwasanaethau cyhoeddus, byddwn hefyd yn parhau i'w herio i godi eu perfformiad, ac i ddangos sut maent yn cyfrannu at ffyniant economaidd a lles cymdeithasol pawb yng Nghymru."
