Yr arferion caffael gorau yn dod â manteision cymunedol i Abercynon

Wrth ymweld â safle Ysgol Gynradd newydd Abercynon, sydd wedi derbyn £8m gan Lywodraeth Cymru, gwelodd y Gweinidog sut y mae Cyngor Rhondda Cynon Taf a Willmott Dixon, y contractwr sy’n gweithio ar y prosiect, wedi cydweithio er mwyn datblygu Strategaeth Manteision Cymunedol ar gyfer yr ardal leol.

Dywedodd Jane Hutt:

"Mae miliynau o bunnoedd o arian cyhoeddus yn cael eu gwario ar brosiectau adeiladu fel ysgolion newydd, uwchraddio ysbytai a phrosiectau trafnidiaeth ar draws Cymru bob blwyddyn. Pan fo’r arian hwnnw’n cael ei wario, mae’n hanfodol ein bod ni’n gwneud popeth i wneud yn siŵr bod ein cymunedau lleol yn cael cymaint o fudd â phosibl.

"Drwy gynnwys manteision cymunedol yn y broses gaffael gall cyrff cyhoeddus helpu i greu swyddi newydd a phrentisiaethau ar gyfer pobl leol, yn ogystal â chynnig cyfleoedd yn y gadwyn gyflenwi ar gyfer busnesau lleol.

"Drwy ddefnyddio’r dull manteision cymunedol ar gyfer prosiect Ysgol Fabanod Abercynon, mae Rhondda Cynon Taf a Willmott Dixon yn bwriadu creu swyddi a phrentisiaethau ar gyfer pobl leol, yn ogystal â sicrhau bod 75% o is- gontractau yn cael eu hennill gan gyflenwyr lleol."

Ychwanegodd y Gweinidog:

"Erbyn hyn, mae’r dull manteision cymunedol wedi’i ddefnyddio ar gyfer prosiectau gwerth dros £3bn ar draws Cymru. Mae hyn wedi helpu i gadw a chreu cannoedd o swyddi lleol ynghyd â chynlluniau cymunedol eraill.  

"Rwy’n gobeithio y bydd pob corff cyhoeddus yn gweld y cyfleoedd y mae’r dull manteision cymunedol wedi eu cynnig i Abercynon, ac yn ei ddefnyddio’n ehangach drwy eu gweithdrefnau caffael eu hunain."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan