Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Dan nawdd Fframwaith Cymru dros Affrica Llywodraeth Cynulliad Cymru a than reolaeth Cyngor Gweithredu Gwirfoddol Cymru (WCVA) disgwylir i brosiect y Seren Aur ddwyn manteision sylweddol i gymunedau yng Nghymru yn ogystal ag i gymunedau yn Affrica.
Dan law’r Prif Weinidog, Rhodri Morgan, bydd y digwyddiad yn tynnu sylw at y cyfraniad a wneir gan bobl y pum tref a lwyddwyd i gael eu dewis i dreialu’r cynllun cyswllt gyda’u partneriaid yn Affrica. Ymunir â hwy yn y Senedd gan gynrychiolwyr o bob cwr o Gymru sy'n gobeithio ymuno â rhwydwaith newydd y Seren Aur er mwyn datblygu cysylltiadau ag Affrica.
Dywedodd y Prif Weinidog, Rhodri Morgan, fod pobl Cymru yn enwog am eu hagwedd ryngwladol ac am eu hawydd i helpu’r rheiny mewn mannau arall o’r byd sy’n llai na ffodus na ni sy'n byw yng Nghymru.
Ychwanegodd:
‘Mae datganoli wedi cryfhau’r diddordeb hwnnw yn y byd mawr y tu allan i Gymru. Mae’n bleser gennyf ddweud fod y prosiect arloesol hwn yn dystiolaeth o’r diddordeb hwnnw yng ngweddill y byd.
‘Mae miloedd o bobl, dros Gymru gyfan, yn gweithredu yn eu ffordd eu hunain i gefnogi datblygu rhyngwladol. Trwy’r Fframwaith Cymru dros Affrica, mae’r bobl hynny yng Nghymru sydd â diddordeb mewn cyfandiroedd tlawd yn cael cyfle go iawn gan Lywodraeth Cynulliad Cymru i fod yn rhan ac i gael y gefnogaeth broffesiynol briodol.‘Mae mwy na biliwn o bobl yn y byd yn byw ar lai na $1 y diwrnod, ac mewn byd lle gwelir mwy a mwy o gyfoeth, mae lefelau dioddefaint a gwastraff potensial o’r fath yn annerbyniol. Wrth gysylltu cymunedau Cymru ac Affrica yn y ffordd hon a helpu i ddatblygu cynlluniau lleihau tlodi ac addysg, rydym yn dod â’r gymuned fyd-eang yn nes ac yn nes at ei gilydd. Mae’n ein helpu hefyd i sylweddoli y bydd cael gwared ar dlodi yn creu byd gwell i bawb.
‘Bydd y rhaglen fendigedig hon yn helpu i sicrhau bod croeso twymgalon yng nghymoedd Cymru ac yng Nghwm Great Rift yn Affrica.’
Gyda’i gilydd, byddant yn cyfrannu at greu fframwaith safonau ‘Seren Aur’ ac arferion da o ran cysylltu, yn unol â Nodau Datblygu’r Mileniwm y CE ar leihau tlodi. Datblygir cynllun peilot Cymru gyda chefnogaeth y CE, i lunio model ar gyfer cydnabod a lledaenu partneriaethau cymunedol o safon sy’n mynd i’r afael â materion megis masnach deg a chyfiawn, newid yn yr hinsawdd a’r amgylchedd, hawliau plant a chynhwysiant cymdeithasol.
Dywedodd Rheolwr Prosiect y Seren Aur, Craig Owen:
Mae datblygu byd-eang yn ymddangos yn her anodd iawn, ond pwrpas y prosiect hwn yw gwireddu'r her honno drwy alluogi cymunedau yng Nghymru ac Affrica Is-Sahara i gysylltu, rhannu syniadau a chredoau, mynd i'r afael â stereoteipiau a datrys pethau sy'n sialens i'r ddwy ohonynt.
Dywedodd Dr. Geoff Lloyd, Cadeirydd PONT, dolen Pontypridd – Mbale (Uganda):
Mae’r Ddolen wedi bod yn brofiad newid-bywyd i dros 120 o bobl o wahanol gefndiroedd – meddygon, athrawon, peirianwyr, eglwysi, pobl busnes - sydd wedi ymwneud â rhaglenni cyfnewid ag Uganda, gan roi cyfle i bobl ddatblygu’n broffesiynol, cyfnewid sgiliau a chael addysg gyfoethog yma yn Rhondda Cynon Taf.
Mae wedi rhoi cyfle inni hefyd gael effaith uniongyrchol ar dlodi drwy hyfforddi gweithwyr iechyd, darparu rhwydi malaria a sefydlu Cynghrair yn Erbyn Tlodi yn y ddwy gymuned - gan wneud gwahaniaeth go iawn i fywydau pobl a ffrindiau yr ydym yn eu hystyried yn gydradd. Mae gennym gymaint i’w ddysgu ganddyn nhw ag sydd ganddyn nhw i’w ddysgu gennym ni.
Yn ystod y lansio hefyd, bydd cerddoriaeth gan y grwp o Gaerdydd, Love Africa, ac areithiau gan Brif Weithredwr WCVA, Graham Benfield, OBE, Rheolwr Prosiect y Seren Aur, Craig Owen a Chyfarwyddwr ABESU, Dolen Cymru - Zambia, Mutale Nyoni.
Mae prosiect y Seren Aur wedi cael sêl bendith Archesgob De Affrica Desmond Tutu.
Mae’r gwaith rydych chi’n ei wneud yng Nghymru ac yn Affrica gyda Nodau Datblygu’r Mileniwm yn wych,’ meddai. ‘Cadwch y tân ynghyn, ac fe newidiwch y byd!
Nodiadau i olygyddion:
• Cynllun peilot yw Prosiect y Seren Aur rhwng Tasglu Nodau Datblygu’r Mileniwm Cymru (aelodau isod) a BUILD UK (Codi Dealltwriaeth drwy gyfrwng Cysylltiadau Rhyngwladol ar gyfer Datblygu), a noddir gan fframwaith Cymru dros Affrica, ac fe’i rheolir a’i gyflwyno gan WCVA (Cyngor Gweithredu Gwirfoddol Cymru). Mae’r Tasglu hefyd yn cynnwys y Cyngor Prydeinig, ContinYou, Dolen Cymru Wales - Lesotho Link, Rhwydwaith Ymchwilwyr Datblygu Cymru, Oxfam Cymru, Achub y Plant Cymru, Cyngres yr Undebau Llafur Cymru, Dolen Somaliland Cymru, Cymdeithas Cynghorau Gwirfoddol Sirol Cymru (WACVC), Cyngor Materion Rhyngwladol Cymru (WCIA), a Cyngor Ffoaduriaid Cymru.
• Dyma gymunedau peilot Prosiect y Seren Aur: Aberhonddu – Molo (Kenya), Brynycwm (Ardal y Fenni) – Yirgacheffe (Ethiopia), Crymych (Sir Benfro) – Hlotse (Lesotho), Y Gelli Gandryll – Timbuktu (Mali), Pontypridd – Mbale (Uganda)
• Dyma’r Prosiectau Cysylltiedig: Blaenau Gwent – Endonisidai (Kenya), Dolen Iechyd Caerdydd a’r Fro – N’djamena (Chad), Conwy – Ynys Mafia (Tanzania), Powys – Rhwydwaith MDG, Dolen Somaliland – Cymru, Tŷ Ddewi – Mafeteng (Lesotho), Abertawe - Paynesville (Liberia), Abertawe – Swaziland, Tor-faen / Casnewydd – Masvingo (Zimbabwe), Ynys Môn – Matsieng (Lesotho)
• Bydd Prosiect y Seren Aur yn cael ei lansio ar-lein o ddydd Mawrth, 16 Hydref ymlaen yn www.goldstarcommunities.org.uk. Am ragor o wybodaeth, cysylltwch â Rheolwr y Prosiect, Craig Owen yn WCVA ar 029 2043 1700.
Deddf Diogelu Data 1998 Cedwir a phrosesir manylion (enw, cyfeiriad, mudiad, ffôn, ffacs, e-bost) cysylltiadau'r wasg ar gyfrifiadur gan WCVA. Defnyddir y wybodaeth gan WCVA i hybu’r sector gwirfoddol yng Nghymru. Datgelir y manylion cyswllt i drydydd partïon er mwyn cynorthwyo gyda'r gwaith hyrwyddo hwn.
16 Hydref 2007
