Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Mae Margaret Griffiths a Polly Ferguson wedi’u dewis fel rhan o’r grŵp cyntaf o saith gwirfoddolwr o Gymru sy’n teithio i Affrica Is-Sahara i gymryd rhan yn y rhaglen Cyfleoedd Dysgu Rhyngwladol, a gyllidir gan fframwaith Cymru o Blaid Affrica. Bydd y gwirfoddolwyr yn treulio wyth wythnos yn gweithio gyda’r gwasanaethau cyhoeddus a gwirfoddol yng Nghamerŵn a Zambia, yn rhannu arferion gorau, sgiliau a phrofiadau.
Mae Margaret Griffiths o Bontyclun yn gweithio i Swyddfa Archwilio Cymru fel Arbenigwr Perfformiad, a Polly Ferguson o Gaerdydd yn gweithio i Lywodraeth Cynulliad Cymru fel Swyddog Nyrsio yn Swyddfa’r Prif Swyddog Nyrsio. Bydd y ddwy yn gweithio gydag awdurdodau lleol yng Nghamerŵn, i geisio dod o hyd i ffyrdd o wella eu gwasanaethau.
Wrth gwrdd â Polly a Margaret cyn iddynt fynd i Gamerŵn yn nes ymlaen yr wythnos hon, dywedodd Prif Weinidog Cymru:
Rydyn ni yng Nghymru yn enwog am ein dymuniad i helpu pobl mewn rhannau eraill o’r byd sy’n llai ffodus na ni. Mae’r rhaglen datblygu sgiliau hon yn enghraifft wych o’r hyn rydyn ni’n ceisio’i gyflawni drwy fframwaith Cymru o Blaid Affrica Llywodraeth Cynulliad Cymru. Bydd y rhaglen hon yn cynnig manteision i Gymru ac Affrica. Nid yn unig bydd gwirfoddolwyr Cymru yn gallu rhannu sgiliau pwysig ac arferion gorau gyda’u tebyg yn Affrica, ond bydd y gwirfoddolwyr hefyd yn cael profiad gwerthfawr a fydd yn eu helpu yn eu swyddi pan ddôn nhw’n ôl i Gymru.
Mae’r lleoliadau wyth wythnos yn cael eu rheoli gan Reoli yng Ngwasanaeth Cyhoeddus Cymru ar y cyd â mudiad datblygu rhyngwladol Gwasanaethau Gwirfoddol Dramor (VSO), i roi cyfleoedd i reolwyr yn y gwasanaeth cyhoeddus yng Nghymru wella eu sgiliau tra’n gweithio ar brosiectau datblygu hirdymor yn Affrica Is-Sahara. I gael mwy o wybodaeth, ewch i www.cymru.gov.uk/rhngcc neu ffoniwch 029 2068 1343.
13 Chwefror 2008
