Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (5)
Ychwanegwyd yn ddiweddar (10)
Mae staff y GIG ledled Cymru wedi bod yn gwirfoddoli i roi gofal a chymorth i gymunedau yn Affrica fel rhan o fenter Llywodraeth y Cynulliad, Cymru o blaid Affrica.
Mae mwy na 23 o bartneriaethau wedi'u datblygu rhwng ysbytai Cymru a lleoliadau gofal iechyd yn Affrica ers i'r fenter gael ei lansio yn 2006.
Ymhlith y rhain mae'r cysylltiadau y mae staff y GIG yng Ngwent, y Gelli Gandryll a Phowys wedi'u gwneud i helpu i ddarparu unedau gofal arbennig i fabanod, hyfforddiant ar gyfer bydwragedd a chyfleusterau iechyd yn Gambia, Ethiopia, Sierra Leone a Lesotho, gan leihau nifer y menywod a'r babanod sy'n marw yn ystod beichiogrwydd ac wrth roi genedigaeth bob blwyddyn.
Mae'r Cwnsler Cyffredinol, John Griffiths, wedi talu teyrnged i'r staff sydd wedi cymryd rhan yn y prosiect arloesol.
Wrth siarad yng nghynhadledd Grŵp Cysylltiadau Iechyd Cymru o blaid Affrica – sy'n dod â staff y GIG, ysgolheigion a sefydliadau gwirfoddol at ei gilydd – dywedodd Mr Griffiths:
"Mae Llywodraeth y Cynulliad yn falch iawn o'r gwaith rhagorol sy'n cael ei wneud gan weithwyr iechyd proffesiynol yng Nghymru i helpu eu cymheiriaid yn Affrica. Rydyn ni wedi bod yn hapus i ddarparu £50,000 bob blwyddyn ar gyfer gweithgareddau'r cysylltiadau drwy ein hadran iechyd, a chymorth ar gyfer Grŵp Cysylltiadau Iechyd Cymru o blaid Affrica sy'n ymroddedig iawn.
"Dw i'n falch iawn o gael helpu i ddadorchuddio ail Adroddiad Blynyddol Grŵp Cysylltiadau Iechyd Cymru o blaid Affrica, sy'n cynnwys casgliad rhagorol o'r hyn sydd wedi'i gyflawni hyd yn hyn. Un enghraifft sy'n arbennig o nodedig yw'r ymrwymiad sydd wedi'i wneud i ddatblygu a gwella gwasanaethau gofal llygaid yn Ethiopia, ac yng Ngogledd Cymru yn ei dro, drwy rannu gwybodaeth glinigol, sgiliau ac arferion gweithio.
"Mae pob un o'r gweithgareddau hyn yn arbennig gan nad dim ond Affrica maen nhw’n helpu. Partneriaethau ydyn nhw sy'n gwneud lles i bawb.
"Rydyn ni'n gwybod bod yr unigolion o Gymru sy'n cymryd rhan yn y gwaith hwn yn dysgu ac yn datblygu sgiliau newydd y maen nhw'n dod â nhw yn ôl i'w gweithleoedd a'u sefydliadau ledled Cymru.”
Mae'r gynhadledd yn cynnwys cyfres o weithdai i edrych ar ffyrdd o ddefnyddio cysylltiadau Cymru i wella iechyd mamau a mynd i'r afael â chlefydau sy'n peryglu bywyd sy'n gyffredin mewn cymunedau difreintiedig yn Affrica, megis HIV, AIDS a malaria.
Nod gweithdai eraill yw mynd i'r afael â materion megis tlodi a newyn, cydraddoldeb rhwng y rhywiau mewn lleoliadau iechyd, ac iechyd plant, a allai olygu bod myfyrwyr gofal iechyd yng Nghymru yn cael cymryd rhan mewn cysylltiadau iechyd yn y dyfodol.
Ychwanegodd y Prif Swyddog Meddygol, Dr Tony Jewell:
"Mae llawer o weithwyr iechyd proffesiynol, unigolion a sefydliadau ledled Cymru yn gwneud ymdrech enfawr i helpu gweithwyr gofal iechyd yn Affrica ac i gryfhau'r gwaith o ddarparu gofal iechyd i rai o'r cymdeithasau tlotaf yn Affrica.
"Hyd yn hyn, mae dros 500 o weithwyr iechyd proffesiynol o Gymru wedi gwirfoddoli i roi eu hamser a'u harbenigedd i'r cysylltiadau iechyd. Ac nid Affrica yn unig sy'n elwa ar y cysylltiadau hyn.
"Mae gweithwyr iechyd proffesiynol sy'n cymryd rhan yn y gwaith hwn yn meithrin rhagor o sgiliau clinigol ac yn dysgu sut i feddwl yn greadigol mewn sefyllfaoedd lle mai dim ond hyn a hyn o adnoddau sydd ar gael.
"Maen nhw'n cael profiad o hyfforddi, arwain, rheoli sefydliadau a datrys problemau yn ogystal â gwell dealltwriaeth o glefydau trofannol a chyflyrau cronig."
