Ffermwyr ledled y byd yn cyfarfod yng Nghymru i hyrwyddo Masnach Deg

Croesawodd John Griffiths y sawl a oedd yn bresennol i'r Uwchgynhadledd ar Fasnach Deg, Bwyd Cynaliadwy a'r Newid yn yr Hinsawdd, y Drafodaeth Fwyd Fawr, a gafodd ei chynnal heddiw (dydd Iau 16 Medi) yng Ngŵyl Fwyd enwog y Fenni.

Meddai'r Cwnsler Cyffredinol:

"Penderfynon ni yng Nghymru sawl blwyddyn yn ôl ei bod yn bwysig cefnogi Masnach Deg drwy brynu cynnyrch gan wledydd sy'n datblygu er mwyn hyrwyddo datblygu cynaliadwy rhyngwladol.

"Roedden ni'n falch iawn o gael gwybod mai Cymru oedd Gwlad Masnach Deg gyntaf y byd ddwy flynedd yn ôl.

"Nid cyrraedd y nod hwn unwaith ac am byth oedd hyn inni, mae’n daith ac yn ymrwymiad parhaus, felly rydyn ni wedi parhau i helpu twf y symudiad Masnach Deg yng Nghymru."

Rhaglen Cymru o blaid Affrica Llywodraeth Cynulliad Cymru a ariannodd yr Uwchgynhadledd, sy'n anelu at roi lle canolog i Gymru yn y drafodaeth ynglŷn â chyflenwadau bwyd rhyngwladol cynaliadwy yn y dyfodol.

Bydd yr Uwchgynhadledd yn sicrhau bod pobl yn deall y problemau y mae ffermwyr Cymru yn eu hwynebu o ran cyflenwi bwyd, a byddan nhw'n cael y cyfle i gael rhagor o wybodaeth am y problemau sy'n wynebu eu cynhyrchwyr ym mhob rhan o'r byd yn y dyfodol.

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan