Cyhoeddi data a fydd yn helpu Gwasanaethau Lleol i Gydweithredu

Mae’r adroddiad ystadegol yn rhoi disgrifiad o nodweddion pob un o’r chwe ardal cydweithredu rhanbarthol a gyhoeddwyd gan y Gweinidog Llywodraeth Leol, Carl Sargeant yr haf diwethaf.  

Mae’r adroddiad yn cynnwys nodweddion y boblogaeth ym mhob ardal: fel proffil oedran, dwysedd poblogaeth, cyflogaeth, a disgwyliad oes; yn ogystal â nodweddion yr ardaloedd: fel llif y traffig, lefelau’r troseddau a gofnodwyd, a’r cyflenwad o dai cymdeithasol sydd yno.

Dywedodd y Gweinidog:

"Mae diwallu anghenion cynyddol a chymhleth dinasyddion yn yr hinsawdd ariannol sydd ohoni yn gofyn am newidiadau sylfaenol yn gyflym.  Nid yw’r arian na’r gallu gennym i ddarparu’r gwasanaethau o ansawdd uchel y mae pobl Cymru yn eu haeddu, oni bai ein bod ni’n gweithio gyda’n gilydd.

"Bydd gwybod am anghenion a sefyllfaoedd pobl y mae’r awdurdodau lleol ac eraill yn eu gwasanaethu yn helpu i sicrhau y bydd y cydweithredu rhanbarthol yn ateb yr anghenion hynny.  Mae ein patrwm ar gyfer cydweithredu rhwng gwasanaethau cyhoeddus yn golygu y byddwn yn cydweithio ar sylfaen mwy cadarn a thymor hir, fel bod ein partneriaid yn gallu bwrw iddi gyda’r gwaith o ddarparu gwasanaethau cyhoeddus o safon uchel ar hyd a lled Cymru."  

Ychwanegodd y Gweinidog:

"Rwy’n falch ein bod ni’n gwneud cynnydd wrth roi rhaglen weithredu ymarferol ar waith a fydd yn helpu i ddarparu gwasanaethau gwell, er bod heriau ariannol yn parhau.

"Mae’r Compact ar gyfer Newid yr ydym wedi cytuno arno gyda Llywodraeth Leol yn gosod rhaglen glir ar gyfer newid, a hynny ar y cyd.  Mae’r rhaglen yn un sy’n cefnogi darparu gwasanaethau ar sail patrwm rhanbarthol, lle bo hynny’n ateb dibenion pobl Cymru orau."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan