Datganiadau dylunio newydd ar gyfer ceisiadau cynllunio yng Nghymru i ddod i rym yn fuan

Bydd Datganiadau Dylunio a Mynediad yn cyd-fynd â cheisiadau cynllunio a/neu ganiatâd adeiladau rhestredig. Fe fyddan nhw’n dangos sut cytunwyd ar y cynllun terfynol ac fe fyddan nhw’n cynnwys gwybodaeth am gynaliadwyedd y datblygiad.

Dywedodd Ms Davidson:

Mae effaith y newid yn yr hinsawdd yn galw am newid mawr yng nghynaliadwyedd adeiladau – a gwella’r ffordd y maen nhw’n cael eu caffael, eu hadeiladu a’u cynnal. Bydd cyflwyno’r datganiad dylunio yn cyfrannu at hyn. Bydd yn golygu bod dylunwyr a chynllunwyr yn gorfod meddwl am egwyddorion dylunio a chysyniad dylunio mewn perthynas â’r cynnig datblygu.

Gall adeiladau gwyrddach yng Nghymru arwain y ffordd yn y frwydr yn erbyn y newid yn yr hinsawdd. Mae Llywodraeth y Cynulliad yn benderfynol o arwain y ffordd o ran gwella cynaliadwyedd adeiladau yng Nghymru. Y llynedd, fe gyhoeddon ni ein huchelgais ar gyfer 2011 i wneud pob adeilad newydd yn ddi-garbon. Rydyn ni hefyd yn ceisio datganoli’r rheoliadau adeiladu o San Steffan i Gaerdydd i ddatblygu hyn.

Mae pump agwedd ar ddylunio y bydd angen i’r Datganiad Dylunio a Mynediad eu hystyried:

• hwylustod mynediad
• cynaliadwyedd amgylcheddol
• cymeriad (cynllun, graddfa ac ati)
• hwylustod o ran symud o amgylch y datblygiad, ac o’i fewn
• diogelwch cymunedol

Mae Llywodraeth y Cynulliad yn disgwyl i ymgeiswyr a phob awdurdod cynllunio lleol weithredu’r ddeddfwriaeth hon unwaith y bydd yn ei lle. Caiff hyfforddiant ar gyfer awdurdodau cynllunio lleol ei gyflwyno cyn hir. Bydd fersiwn ddiwygiedig o Nodyn Cyngor Technegol 12: ‘Dylunio’ hefyd ar gael o’r dyddiad hwn i roi’r canllawiau diweddaraf ar faterion dylunio a mynediad.

20 Ebrill 2009

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan