Gweinidog yr Amgylchedd a Chynaliadwyedd yn lansio'r ymgynghoriad cyhoeddus cyntaf ar gynllunio morol yng Nghymru

Mae Deddf y Môr a Mynediad i’r Arfordir yn ei gwneud yn ofynnol i Lywodraeth y Cynulliad gynllunio a rhoi’r trwyddedau angenrheidiol ar gyfer gweithgareddau ar ddyfroedd glannau a dyfroedd môr mawr Cymru. Gall cynllunio morol gynnwys nifer o weithgareddau, gan gynnwys cadwraeth forol, ffermydd gwynt ar y môr, carthu morol a thwristiaeth sy’n seiliedig ar y môr.

Roedd y Gweinidog yn siarad yng nghynhadledd Partneriaeth Arfordir a Môr Cymru yng Nghaerdydd. Yn ystod ei haraith i fwy na 60 o bobl yn bresennol, meddai:

“Mae Cymru’n falch i fod yn un o nifer fach o lywodraethau ar draws y byd lle mae datblygiad cynaliadwy wedi’i gynnwys mewn statud. Mae datblygiad cynaliadwy wedi dod yn egwyddor ganolog wrth drefnu holl waith Llywodraeth Cynulliad Cymru.

“Mae cynllunio morol yn rhan allweddol o Ddeddf y Môr a Mynediad i’r Arfordir, darn pwysig o ddeddfwriaeth sy’n rhoi inni’r offer i wneud cynnydd gwirioneddol o ran moroedd ac arfordiroedd Cymru. Mae’n bwysig tu hwnt i ni fod cynllunio morol yn helpu i gyflawni datblygiad cynaliadwy yn yr ardaloedd morol.

“Mae’r Ddeddf yn darparu ar gyfer dull cydlynus llawer cryfach o ran rheoli ein moriodd mewn modd cynaliadwy - drwy gryfhau ac atgyfnerthu trwyddedu morol, darparu pwerau cadwraeth newydd a phwerau rheoli a gorfodi pysgodfeydd.

“Mae angen eich barn arnom ar sut y dylem lunio ein dull ni o gynllunio morol – yn ogystal â’r prif faterion sy’n rhaid inni eu hystyried wrth ddechrau llunio’r cynlluniau morol.”

Gellir dod o hyd i’r ymgynghoriad a manylion am sut i gyflwyno eich safbwyntiau ar wefan Llywodraeth y Cynulliad.

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan