Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Mae'r ychwanegiad newydd, Polisi Cynllunio Cymru, wedi'i ddatblygu i helpu Cymru i wireddu ei huchelgais i beidio â dibynnu ar ffurfiau carbon uchel ar ynni a dewis ffurfiau cynaliadwy carbon is yn eu lle. Mae'n cyd-fynd â Datganiad Polisi Ynni Llywodraeth y Cynulliad, a gafodd ei lansio y llynedd.
Wrth siarad am y polisi cynllunio newydd, dywedodd y Gweinidog dros yr Amgylchedd, Jane Davidson:
"Mae'r newid yn yr hinsawdd yn parhau i fod yn un o'r heriau mwyaf sy'n wynebu'r byd. Mae Llywodraeth Cynulliad Cymru wedi ymrwymo i fynd i'r afael â'r newid yn yr hinsawdd a chymryd camau i leihau allyriadau carbon. Un o'r prif ffyrdd y gallwn ni sicrhau hyn yw dechrau defnyddio ffurfiau mwy adnewyddadwy ar ynni yn raddol.
"Mae gan y system gynllunio ran bwysig i'w chwarae yn y gwaith hwn. Mae'r polisi cynllunio newydd rydw i'n ei lansio heddiw yn darparu fframwaith a fydd yn helpu'r prosiectau ynni adnewyddadwy.
"Mae'n annog awdurdodau cynllunio i gymryd camau i gynllunio ar gyfer prosiectau carbon isel ac asesu eu potensial eu hunain i ddarparu ar eu cyfer. All hyn ddim ond bod yn newyddion da ar gyfer Cymru wyrddach a glanach.
"Fodd bynnag un dull yn unig o’r nifer o ddulliau rydyn ni’n eu defnyddio i gefnogi ynni adnewyddadwy yw’r system cynllunio. Yr haf diwethaf fe lansiais raglen gymorth i helpu busnesau yng Nghymru trwy broses ardystio’r diwydiant sy’n angenrheidiol er mwyn gosod technoleg ficro-gynhyrchu megis paneli solar a phympiau gwres.
"Ers lansio’r rhaglen ym mis Awst, mae’r nifer o osodwyr yng Nghymru wedi cynyddu 261% - ffigur nodedig iawn - gyda 84 o gwmnïoedd nawr yn cyflawni’r gwaith. Rwy’n gobeithio bydd y nifer yn parhau i gynyddu."
Meddai Dirprwy Prif Weinidog, Ieuan Wyn Jones:
"Yr ydym wedi bod yn gwrando ar ofidiau'r gymuned busnes ac roeddwn nhw yn gofyn i'r broses cynllunio cael ei ddiwygio er mwyn cael sustem fwy effeithiol a chyson."
"Er mwyn parhau i fod yn gystadleuol mae angen yr allu ar fusnesau yng Nghymru i fuddsoddi mewn datblygiadau newydd yn effeithlon ac yn amserol. Mae'r polisi cynllunio i'r sector ynni adnewyddadwy a gyhoeddwyd heddiw yn adlewyrchu ein hymrwymiad i wella Polisi Cynllunio Cymru ac ein hymrwymiad i ddatblygu'r economi wyrdd yng Nghymru."
Mae'r polisi newydd yn rhoi'r canllawiau diweddaraf i'r awdurdodau cynllunio ar yr angen am Gynlluniau Datblygu Lleol a phenderfyniadau ar geisiadau cynllunio i adlewyrchu blaenoriaethau Llywodraeth Cynulliad Cymru.
Mae hefyd yn nodi graddfeydd gwahanol ynni adnewyddadwy a charbon isel ac yn cydnabod nad drwy'r system gynllunio y caiff penderfyniadau eu gwneud ar gynigion ynni mawr dros 50MW ac nad ydyn nhw wedi'u datganoli i Gymru.
Nid yw'r polisi'n newid egwyddor Ardaloedd Chwilio Strategol ar gyfer datblygiadau gwynt graddfa fawr ar y tir, fel mae Nodyn Cyngor Technegol 8 Llywodraeth Cynulliad Cymru 2005 yn ei amlinellu.
