Cyhoeddi Adroddiad ar Gyflwr Amgylchedd Cymru

Yn ôl y ffigurau diweddaraf, o’r 100 o ddangosyddion sydd wedi’u diffinio a lle bo gennym wybodaeth, mae 47 y cant ohonynt yn dangos gwelliant.  Dim ond pum dangosydd sy’n dangos dirywiad.  Mae’r adroddiad yn dangos gwelliant mewn sawl maes ledled Cymru gan gynnwys ailgylchu, ansawdd dŵr ymdrochi a thipio anghyfreithlon.

Mae Gweinidog yr Amgylchedd a Datblygu Cynaliadwy, John Griffiths, yn croesawu’r ystadegau diweddaraf sy’n rhoi darlun cyffredinol i Lywodraeth Cymru o’i chynnydd ar roi ei Strategaeth Amgylcheddol ar waith.

Meddai Mr Griffiths:

“Mae’n bwysig cael adroddiadau rheolaidd ar gyflwr amgylchedd Cymru er mwyn inni allu monitro’n gwaith, adolygu ein polisïau yn ôl y gofyn a chanolbwyntio ar feysydd y mae angen eu gwella.

“Rwy’n sylweddoli nad ar chwarae bach y mae gwireddu ein hamcanion ar gyfer yr amgylchedd.  Er hynny, bydd ein cynlluniau ar gyfer gwastraff, datblygu cynaliadwy a gofalu am yr amgylchedd naturiol yn ein galluogi i wireddu’n gweledigaeth am amgylchedd sy’n lân, iach, yn fiolegol gyfoethog a gwerthfawr yng ngolwg pobl Cymru.”

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan