Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Cwrddodd y Gweinidogion â Pamela Williams o Fryn Celyn ym Mhentwyn sy'n mwynhau cartref cynhesach a biliau tanwydd is, diolch i raglen ynni strategol Llywodraeth Cymru, Arbed.
Cwrddon nhw hefyd â Luke Mitchell a Dale Jennings, dau blastrwr sydd newydd eu cymhwyso ac sydd wedi cael hyfforddiant a gwaith ym Mhentwyn, diolch i Arbed.
Mae mwy na hanner miliwn o bunnoedd yn cael ei wario drwy raglen Arbed i wella mwy na 200 o gartrefi ym Mhentwyn. Mae'r arian yn talu am fesurau arbed ynni megis cladin allanol, inswleiddio waliau ac atig a boeleri dosbarth A.
Mae'r buddsoddiad ym Mhentwyn yn rhan o gymal cyntaf rhaglen Arbed pan gafodd £61 miliwn ei wario i sicrhau bod cartrefi yn rhai o ardaloedd mwyaf difreintiedig Cymru yn defnyddio ynni'n fwy effeithiol.
Yn ystod ail gymal rhaglen Arbed, sydd wedi dechrau erbyn hyn, caiff £45 miliwn ychwanegol ei fuddsoddi yng nghartrefi Cymru.
Dywedodd Gweinidog yr Amgylchedd, John Griffiths:
"Mae'n hanfodol sicrhau bod cartrefi Cymru yn defnyddio ynni'n fwy effeithiol os ydyn ni am lwyddo i fynd i'r afael â thlodi tanwydd.
"Mae rhaglen Arbed yn cael gwir effaith ar gymunedau ledled Cymru, ac mae'n sicrhau bod cartrefi yn rhai o ardaloedd mwyaf difreintiedig Cymru yn gynhesach ac yn haws eu cynhesu. Mae hefyd yn ein helpu i gyrraedd rhai o'r targedau heriol i leihau carbon yn unol â'n Strategaeth ar y Newid yn yr Hinsawdd.
"Dw i wrth fy modd yn cael ymweld â phobl yn eu tai ym Mhentwyn – pobl sy'n mwynhau cartrefi cynhesach a biliau tanwydd mwy fforddiadwy, diolch i'r buddsoddiad drwy Arbed."
Dywedodd y Gweinidog Cyllid, Jane Hutt:
"Mae'n braf gweld drosof i fy hun y gwahaniaeth mae arian Arbed yn ei wneud i bobl sy'n byw yma ym Mhentwyn.
"Fodd bynnag, nid tai yn unig sy'n elwa ar raglen Arbed. Mae'r arian hefyd yn helpu i greu swyddi newydd mewn cymunedau ledled Cymru, sbarduno economi werdd Cymru a helpu'r diwydiant adeiladu drwy gyfnod anodd."
Yn ystod cymal cyntaf Arbed rhwng 2009 a 2011, cafodd 6000 o gartrefi ledled Cymru eu gweddnewid, diolch i fesurau arbed ynni.
Helpodd y rhaglen hefyd i ddarparu dros 4,500 o wythnosau o hyfforddiant yng Nghymru a helpodd gwmnïau Cymru, neu gwmnïau sy'n cyflogi llawer o staff yng Nghymru, i osod 80% o'u technoleg.
Mae rhaglen Arbed yn cael ei gweithredu mewn partneriaeth ag awdurdodau lleol a Chymdeithasau Tai Cymru.
