Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Daw’r cyllid yn sgil Cynllun Buddsoddi Carbon Llywodraeth Cymru sy’n ymrwymo Gweinidogion a’r sefydliad ehangach i gydbwyso ôl-troed carbon eu teithio mewn awyrennau, ceir fflyd a cheir llog gyda buddsoddiad mewn prosiectau sy’n ceisio lleihau allyriadau carbon.
Mae Llywodraeth Cymru wedi rhoi £63, 410 i wyth prosiect ledled Cymru i hwyluso gwaith gyda chymunedau yn y Gambia, Zanzibar, Uganda a Kenya.
Bydd yr arian yn cefnogi ystod o brosiectau, gan gynnwys gosod panelau solar mewn clinig iechyd yn y Gambia a fydd yn helpu i sicrhau cyflenwad golau, pŵer a dŵr dibynadwy.
Bydd yr arian hefyd yn cefnogi system ddyfrhau pŵer solar yn Kenya a fydd yn galluogi’r gymuned leol i dyfu cnydau yn fwy effeithiol, gan gynnwys cnau cashiw.
Nod y prosiectau yw helpu cymunedau yn Affrica Is-Sahara i ddatblygu a ffynnu mewn ffyrdd cynaliadwy a charbon isel.
Wrth sôn am y cyllid, dywedodd Gweinidog yr Amgylchedd, John Griffiths:
“Mae Llywodraeth Cymru yn ymrwymo i leihau allyriadau carbon ledled Cymru, ac wrth gwrs yn Llywodraeth Cymru ei hun.
“Rwy’n falch bod ein Cynllun Buddsoddi Carbon, sy’n ei gwneud yn ofynnol i ni gyfrif am ein hallyriadau’n hunain drwy fuddsoddi mewn prosiectau lleihau carbon, yn cefnogi’r fath brosiectau rhagorol mewn cymunedau yn Affrica.
“Bydd y prosiectau hyn yn helpu i wella safon bywyd y cymunedau hyn mewn ffordd gynaliadwy sy’n helpu i fynd i’r afael â her ddifrifol y newid yn yr hinsawdd.”
Un o’r cyrff cymunedol sy’n derbyn arian yw Sazani Associates ym Mhenfro sy’n gweithio gyda 30 o gymunedau gwledig yn Zanzibar ac sydd wedi bod yn canolbwyntio’n ddiweddar ar hyfforddi grwpiau menywod i ddefnyddio ffyrnau rhad ar danwydd, sychwyr solar a thechnolegau ynni glân eraill.
Hefyd mae Africa Greater Life Mission yn Llandrindod yn gweithio gyda chymuned yn Uganda i greu gweithfa bionwy ger Ysgol Gobaith Plant Wakiso. Bydd y weithfa yn defnyddio gwastraff llysiau i gynhyrchu bionwy fel tanwydd coginio yng nghegin yr ysgol.
