Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (5)
Ychwanegwyd yn ddiweddar (10)
Mae'r nifer uchaf erioed o fusnesau wedi'u rhestru eleni, gyda 79 o lety gwesteion (31 am y tro cyntaf) a 27 Gwesty (8 am y tro cyntaf). Prif nod y Wobr Aur, sydd wedi cael ei dyfarnu es 2007, yw gwobrwyo safon, cyfforddusrwydd a chroeso neilltuol yn y sector â gwasanaethau yng Nghymru.
Ymwelodd y Gweinidog Busnes â Gwesty Morgans yn Abertawe, sydd wedi cyrraedd y rhestr eleni. Mae chwaer-westy Morgans, y Cawdor yn Llandeilo hefyd wedi cyrraedd y rhestr o westai ac mae Morgans Townhouse yn Abertawe hefyd wedi ennill Gwobr Aur am Lety Gwesteion.
Dywedodd Christine Owen, y Rheolwr Cyffredinol, fod y cwmni wrth ei fodd gyda'i lwyddiant diweddar, dywedodd:
“Yn Morgans, rydym yn ymdrechu i roi profiad arbennig i’n gwesteion, a hynny'r holl ffordd o’r cynnyrch a ddefnyddiwn hyd at ein gwasanaeth. Rydym yn hynod falch bod hyn wedi cael ei gydnabod ac yn cael ei adlewyrchu wrth i ni fod yn llwyddiannus i gael Gwobr Aur Croeso Cymru.
"Fel cwmni Cymreig rydym yn hynod falch o fod yn llysgenhadon dros Gymru ac i osod esiampl o'r hyn y gellir ei gyflawni drwy ymroddiad a gwaith caled. Mae'r Wobr Aur yn gadael i bobl wybod beth y gallant ei ddisgwyl pan fyddant yn ymweld â ni yn Morgans yn Abertawe neu'r Cawdor yn Llandeilo, a gobeithio y gallwn eu plesio tu hwnt i’w disgwyliadau.”
Busnes twristiaeth arall sy'n cael dathliad dwbl y mis hwn yw'r Cross Foxes, ger Dolgellau. Agorwyd drysau'r busnes am y tro cyntaf ym mis Tachwedd 2010 ac mae bellach wedi'i rhestru am ei Wobr Aur gyntaf am Lety i Westeion.
Dywedodd y perchnogion Nicol a Dewi Gwynne: “Dywedodd y perchnogion Nicol Gwynne a Dewi,:
"Rydym yn falch iawn gyda pherfformiad flwyddyn gyntaf y Cross Foxes. Rydym wedi dyblu ein rhagamcanion ac wedi derbyn adborth cadarnhaol iawn gan gwsmeriaid. Rydym yn falch o fod wedi ennill y Wobr Aur ac yn edrych ymlaen at barhau i ddatblygu ein cynnyrch er mwyn sicrhau bod ein gwesteion yn derbyn profiad eithriadol o dda o ran bwyd a llety tra aros gyda ni. "
Llongyfarchodd y Gweinidog yr holl fusnesau am eu llwyddiant, gan ddweud:
"Er bod cryn botensial i dwristiaeth dyfu, mae'r farchnad fyd-eang mor gystadleuol. Bydd safon yn hollbwysig i lwyddiant diwydiant twristiaeth Cymru yn y dyfodol ac mae'r safleoedd hyn yn gosod meincnod uchel iawn. Maen nhw'n rhagori ar ddisgwyliadau cwsmeriaid ac maen nhw o'r radd flaenaf ym mhob ffordd. Rwy'n dymuno pob lwc iddyn nhw ar gyfer y dyfodol."
