Llywodraeth Cymru | Cytundeb newydd yn dod a mwy o “degwch” i’r cynllun teithio rhatach

Hafan > Newyddion > Trafnidiaeth > 2009 > Cytundeb newydd yn dod a mwy o “degwch” i’r cynllun teithio rhatach

Cofrestrwch ar gyfer y canlynol: Cylchlythyr | Newyddion

Cytundeb newydd yn dod a mwy o “degwch” i’r cynllun teithio rhatach

Mae Llywodraeth Cynulliad Cymru wedi cytuno ar system newydd i ad-dalu cwmnïau bysys am y cynllun tocynnau bws am ddim. Bydd hyn yn cynnal lefel y gwasanaeth ar hyd a lled Cymru.

Dydd Mawrth 01 Rhagfyr 2009

Bu Llywodraeth y Cynulliad yn gweithio gyda CPT Cymru (sef cymdeithas sy’n cynrychioli cwmnïau bysys) ac awdurdodau lleol i gytuno ar y trefniadau newydd a fydd yn cael eu cyflwyno yn y flwyddyn ariannol nesaf.

Meddai’r Gweinidog dros yr Economi a Thrafnidiaeth Ieuan Wyn Jones:

"Heb wneud unrhyw newidiadau i’r hawl i gael tocyn bws am ddim, rydym wedi llwyddo i ddatblygu system decach a mwy effeithiol i ad-dalu’r cwmnïau bysys. Ni fydd y cwmnïau bysys yn ennill nag yn colli arian o ganlyniad i’r cytundeb newydd.

"Rwy’n croesawu’r cydweithio fu rhyngom ni â CPT Cymru (sy’n cynrychioli’r diwydiant bysys) a’r awdurdodau lleol i lunio’r cytundeb newydd hwn a fydd yn rhoi’r cynllun tocynnau bws rhatach ar seiliau cadarnach, gan roi gwerth ei arian i’r trethdalwr."

Meddai John Pockett, Cyfarwyddwr Cysylltiadau â’r Llywodraeth yn CPT Cymru:

"Rydym yn falch iawn ein bod wedi dod i gytundeb â’n partneriaid yn Llywodraeth y Cynulliad a’r Awdurdodau Lleol, yn enwedig o ystyried yr anawsterau economaidd presennol."

Gyda chyflwyno’r systemau pasys electronig newydd yn gynharach eleni, bydd yn bosibl monitro’r system lawer yn fwy effeithiol o hyn ymlaen.

O ddefnyddio’r drefn newydd byddwn yn gallu rheoli cyllideb y cynllun tocynnau rhatach yn llymach yn cael ei rheoli’n llymach, gan sicrhau na fydd gorwario ynddi yn y dyfodol.

Bydd y trefniadau newydd yn dod i rym ar 1 Ebrill 2010.

1 Rhagfyr 2009