Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
I’r cwmni hwn o’r gogledd-ddwyrain y dyfarnwyd y contract i gyflenwi seddi modern cyffyrddus i’r fflyd newydd o fysiau Traws Cymru a fydd yn cludo teithwyr ar hyd y llwybr teithio ‘T4’ rhwng y Drenewydd, Llandrindod, Llanfair-ym-Muallt, Aberhonddu, Merthyr Tudful, Pontypridd a Chaerdydd.
Mae’r seddi newydd wedi cael eu dylunio’n ofalus ar ôl ymgynghori â theithwyr, fel rhan o fuddsoddiad gwerth £2.2m gan Lywodraeth Cymru i wella ac ehangu’r rhwydwaith bysiau TrawsCambria.
Wrth siarad cyn ymweld ag Esteban UK, dywedodd y Gweinidog:
“Mae’n hanfodol datblygu trafnidiaeth gynaliadwy ac annog pobl i’w defnyddio er mwyn gwella’r cysylltiadau teithio ledled Cymru.”
“Mae Llywodraeth Cymru wedi sefydlu gwasanaeth newydd Traws Cymru ar ôl gwrando ar ddymuniadau pobl; bydd y gwasanaeth ‘gwyrdd’ hwn yn diwallu anghenion cymunedau lleol drwy ddarparu cysylltiadau trafnidiaeth gyhoeddus allweddol rhwng ein prif drefi.
“Bydd busnesau lleol fel Esteban hefyd yn manteisio ar y Traws Cymru newydd, gan fod y contract seddi hwn yn cadw pobl yn eu swyddi ac yn rhoi hwb i’r economi leol”.
Dywedodd Julian Grzesiczek, Rheolwr Gyfarwyddwr Esteban UK,
“Roedd yn braf iawn cael cydweithio’n agos â Traws Cymru mewn partneriaeth go iawn i ddylunio a chreu seddi arbennig newydd sbon sy’n trawsnewid profiad y teithiwr ar gludiant cyhoeddus.
“Yma yn ein ffatri yn Wrecsam, rydym wedi dylunio ac adeiladu seddi sy’n harddu a gwella tu mewn y cerbydau a’n gobaith yw y byddant yn plesio’r mwyafrif helaeth o deithwyr.
“Mae’r prosiect cydweithredol hwn wedi bod yn ysbrydoliaeth; rydym wedi llwyddo i wella ansawdd a dyluniad y seddi a’u gwneud yn fwy cyffyrddus i’r teithiwr, gan greu swyddi a gwella ein sgiliau yn lleol ar yr un pryd.’
Mae’r buddsoddiad hwn wedi sicrhau gwaith yn ffatri Actia UK yn y Drenewydd, Powys hefyd.
Actia UK sydd wedi cyflenwi’r holl offer trydanol ar fysiau newydd Traws Cymru, gan gynnwys system rheoli injan newydd uwch-dechnolegol sy’n monitro’r allyriadau CO2 ac effeithlonrwydd tanwydd. Bydd system tracio lloeren GPS a theledu cylch cyfyng ar y bysiau hefyd.
Yn ogystal â seddi lledr cyfforddus gyda mwy o le i’r teithwyr ymestyn eu coesau, bydd pob cerbyd newydd llawr isel yn cael system aerdymheru a mwy o le i storio bagiau hefyd.
Bydd modd dal bws Traws Cymru bob dwy awr i’r ddau gyfeiriad ar lwybr teithio newydd T4 o ddydd Llun i ddydd Sadwrn. Dyma’r llwybr bysiau Traws Cymru cyntaf i gael ei gyflwyno, ond yn y pen draw bydd rhwydwaith o fysiau moethus pellter-hir ar draws Cymru.
Cafodd y gwasanaeth newydd ei ddatblygu ar ôl ymgynghori â’r teithwyr, oedd yn gofyn am wasanaeth cyflymach ac uniongyrchol rhwng prif drefi Powys a Chaerdydd.
Mae Llywodraeth Cymru’n cyllido’r gwasanaeth fel rhan o’i hymrwymiad yng Nghynllun Trafnidiaeth Cenedlaethol Cymru i hyrwyddo gwasanaethau trafnidiaeth gyhoeddus o ansawdd uchel, caredig i’r amgylchedd sy’n cysylltu cymunedau â phrif drefi a dinasoedd ledled Cymru.
