Penodiad newydd i’r Pwyllgor Defnyddwyr Trafnidiaeth Gyhoeddus

Bydd John Ablitt o Gaernarfon yn ymuno â’r Pwyllgor a sefydlwyd llynedd i roi cyngor i Weinidogion.

Mae ei brofiadau’n cynnwys cyfnod yn gweithio ym Mharc Cenedlaethol Eryri lle bu’n Bennaeth Hamdden a Chyfathrebu, ac yn fwyaf diweddar yn Gyfarwyddwr Cyfathrebu.

Yn ystod ei gyfnod gyda’r Parc roedd Mr Ablitt hefyd yn gyfrifol am drafnidiaeth gynaliadwy a nifer o brosiectau mynediad pwysig gan gynnwys Sherpa’r Wyddfa a Menter Goriad Gwyrdd.

Gan groesawu’r penodiad dywedodd Carl Sargeant:

“Er mwyn gwneud trafnidiaeth gyhoeddus yn haws i’w ddefnyddio ac yn fwy deniadol mae’n rhaid i ni wrando ar y rhai sy’n ei ddefnyddio, ac mae’r Pwyllgor Defnyddwyr yn ffordd allweddol i’n galluogi i wneud hyn.

“Mae gan John brofiad o’r system drafnidiaeth gyhoeddus yng ngogledd Cymru ac fe fydd yn sicr yn cryfhau'r profiad, gwybodaeth ac arbenigedd eang sydd gennym ar y Pwyllgor.”

Gofynnwyd i ymgeiswyr ddangos amrywiol sgiliau hanfodol a phrofiadau gan gynnwys defnydd rheolaidd o drafnidiaeth gyhoeddus gogledd Cymru a gwybodaeth sylweddol o faterion trafnidiaeth gyhoeddus yng Nghymru, gan ganolbwyntio ar y gogledd.

Yn dilyn penodiad Mr Ablitt mae 11 o aelodau ar y Pwyllgor, gan gynnwys y Cadeirydd, Adele Baumargdt. Penodwyd pob aelod yn y lle cyntaf am dair blynedd.

Mae’r Pwyllgor yn cwrdd yn chwarterol ym mhob un o bedwar rhanbarth Cymru, gan wrando ar dystiolaeth gan amrywiol grwpiau â diddordeb ar faterion yn ymwneud â thrafnidiaeth yn eu rhanbarthau. Mae disgwyl i’r adroddiad blynyddol cyntaf gael ei gyhoeddi yn ddiweddarach yr wythnos hon.

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan