Llywodraeth Cymru | Arian yn cael ei gyhoeddi ar gyfer sefydliadau sy’n cefnogi’r iaith Gymraeg

Hafan > Newyddion > Y Gymraeg > 2009 > Arian yn cael ei gyhoeddi ar gyfer sefydliadau sy’n cefnogi’r iaith Gymraeg

Cofrestrwch ar gyfer y canlynol: Cylchlythyr | Newyddion

Arian yn cael ei gyhoeddi ar gyfer sefydliadau sy’n cefnogi’r iaith Gymraeg

Heddiw, fe gyhoeddodd y Gweinidog Treftadaeth, Alun Ffred Jones fanylion am arian i dri sefydliad sydd yn chwarae rol allweddol wrth hybu defnydd o’r Iaith Gymraeg.

Dydd Mawrth 10 Mawrth 2009

Fe fydd £100,000 ychwanegol ar gael ar gyfer yr Eisteddfod Genedlaethol yn ystod y flwyddyn ariannol 2009-10 yn unig. Mae hyn yn adlewyrchu y trafferthion sydd yn gwynebu’r Eisteddfod wrth godi arian mewn ardal wledig fel Sir Feirionydd. Mae hyn yn ychwanegol i’r £485,722 mae’r Eisteddfod Genedlaethol yn derbyn trwy Fwrdd yr Iaith Gymraeg.

Fe fydd yr Urdd yn derbyn £677,029 oddi wrth Bwrdd yr Iaith Gymraeg. Fe fydd Eisteddfod yr Urdd hefyd yn derbyn £150,000 yn ychwangol trwy’r cytundeb a wnaed gan y Gymdeithas Llywodraeth Leol yn mis Hydref 2008. Fe fydd Mudiad Ysgolion Meithrin yn derbyn £1.14 miliwn oddi wrth Bwrdd yr Iaith ar gyfer gweithgareddau yn ystod 2009-2010.

Dywedodd y Gweinidog Treftadaeth:

Mae’r Eisteddfod Genedlaethol, yr Urdd a’r Mudiad Ysgolion Meithrin yn chwarae rôl allweddol ag amhrisiadwy yn hybu diwylliant Cymru a’r iaith Gymraeg. Yr wyf yn falch o allu gwneud y cyhoeddiad yma heddiw o gefnogaeth ariannol ychwanegol i’r Eisteddfod. Mae yn amlwg pe na bai Llywodraeth y Cynulliad yn darparu’r arian ychwanegol eleni , fe fyddai Eisteddfod 2009 yn gwynebu anhawsterau ariannol difrifol ac fe fyddai nifer o weithgareddau craidd yr Eisteddfod yn cael eu dileu. Bydd y cyhoeddiad yma yn rhoi mwy o sicrwydd ar gyfer digwyddiad eleni. Rwy’n dymuno pob llwyddiant i’r Eisteddfod yn 2009.

Yn ogystal â darparu cyfleoedd i blant, pobl ifanc ag oedolion fwynhau gweithgareddau trwy gyfrwng y Gymraeg, mae’r tri sefydliad yn gyfrifol am ddod a miloedd o blant ac oedolion i gyswllt uniongyrchol a’r iaith Gymraeg am y tro cyntaf, p’un ai trwy wersylloedd neu lwyfan Eisteddfod yr Urdd,, mynd a’u plant i gylch meithrin, neu ymweld a maes yr Eisteddfod Genedlaethol yn eu hardal.

Dywedodd Elfed Roberts, Prif Weithredwr yr Eisteddfod:

Rydym yn falch iawn gyda’r arian ychwanegol sydd wedi cael ei gynnig gan Lywodraeth y Cynulliad, fe fydd hyn yn golygu y gallwn barhau gyda’r paratoadau ar gyfer 2009 gydag egni newydd.

Dywedodd Cadeirydd Bwrdd yr Iaith Gymraeg, Meri Huws:

Pleser i ni bob blwyddyn yw rhannu grantiau i’r sefydliadau pwysig hynny sy’n cynnal yr iaith a’r diwylliant Cymraeg. Rydym yn croesawu’n arbennig eleni ymateb cadarnhaol y Llywodraeth i’r amgylchiadau anodd a oedd yn wynebu’r Eisteddfod Genedlaethol yn y Bala, ac rydym yn hyderus y bydd y swm ychwanegol yn mynd ymhell o ran cyfrannu at greu Eisteddfod lwyddiannus a hwyliog.

10 Mawrth 2009