Eisiau gwybod sut bydd Mesur arfaethedig y Gymraeg yn effeithio arnoch chi?

Os ydych eisiau gwybod mwy am sut bydd y Mesur arfaethedig yn effeithio arnoch chi neu sut bydd e’n cyflawni ein hymrwymiadau ar yr iaith Gymraeg, dewch ymlaen i un o’r cyfarfodydd.

Mae’r Mesur arfaethedig, a gyhoeddwyd ym mis Mawrth, yn gwireddu tri o brif ymrwymiadau Cymru'n Un: i gadarnhau statws swyddogol y Gymraeg, hawliau ieithyddol o safbwynt darparu gwasanaethau, a sefydlu swydd Comisiynydd y Gymraeg.

Dywedodd Mr Jones:

“Wrth gwrs mae yna wedi bod llawer o diddordeb yn yr Mesur pwysig yma ac rwy’n awyddus i gwrdd a gymaint o phobol a phosib i esbonio ein cynigion.”

Y cyflwynydd teledu, Angharad Mair, fydd yn llywyddu ym mhob un o’r cyfarfodydd.

Bydd y cyfarfodydd yn digwydd ar y diwrnodau ac yn y  lleoliadau canlynol:

• 12 Ebrill – Glasdir – Canolfan Ddatblygu Conwy Wledig, Llanrwst
• 13 Ebrill – Swyddfa Llywodraeth Cynulliad Cymru, Aberystwyth
• 14 Ebrill – Neuadd Pontyberem
• 15 Ebrill – Clwb Rygbi Pontypridd

Bydd lluniaeth ysgafn ar gael o 7 o’r gloch yr hwyr a’r cyfarfodydd yn dechrau am 7.30. Am fwy o wybodaeth, cysylltwch â cymraeg@cymru.gsi.gov.uk

1 Ebrill 2010

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan