NAFWC30/06 - Canllawiau ar Grant Llywodraeth Cynulliad Cymru i Drosglwyddo rhwng Cyfnodau Allweddol 2 a 3

CRYNODEB

Mae’r Cylchlythyr hwn yn rhoi canllawiau ar y meini prawf ar gyfer defnyddio grant gan Lywodraeth Cynulliad Cymru i wella’r broses drosglwyddo rhwng Cyfnodau Allweddol 2 a 3. Bydd y grant ar gael i awdurdodau lleol yn 2006-07 a’r ddwy flwyddyn ariannol wedi hynny. Y bwriad yw defnyddio’r grant i gefnogi datblygiad prosiectau enghreifftiol a all ddod yn hunangynhaliol a chael eu hefelychu mewn mannau eraill.

Mae’r canllawiau’n nodi’r trefniadau ar gyfer dosbarthu’r grant a chymeradwyo’r cynigion a’r trefniadau archwilio.

Telir grant 2006-07 i awdurdodau addysg lleol (AALlau) cyn dechrau blwyddyn ysgol Medi 2006. Bydd yr awdurdodau’n cael gwybod maes o law beth fydd lefelau ariannu 2007-08 a 2008-09.