Skip to content

Y Rhaglen Recriwtiaid Newydd

Dolenni perthnasol

Ddarparwyr dysgu seiliedig ar waith

Mae'r adran hon yn rhoi gwybodaeth ar gyfer darparwyr dysgu seiliedig ar waith.

Mae'r Rhaglen Recriwtiaid Newydd yn rhaglen Cymru gyfan sy'n rhoi cymorth ariannol i gyflogwyr sy'n cynnig rhaglenni prentisiaeth o ansawdd uchel i recriwtio a hyfforddi prentisiaid ifanc ychwanegol (16-24 oed).

Beth yn union yw'r Rhaglen Recriwtiaid Newydd?

Bydd cymorth penodol ar gael i greu cyfleoedd ychwanegol i bobl ifanc gael manteisio ar brentisiaethau o ansawdd. Gall y rhaglen fod yn fanteisiol i:

  • gyflogwyr mawr sydd eisoes yn cynnig rhaglenni prentisiaeth o ansawdd uchel sy'n gallu ymestyn eu rhaglenni i gynnig lle i fwy o ddysgwyr
  • cyflogwyr bach a chanolig sy'n gweithio'n unigol neu ar y cyd i gynnig rhagor o brentisiaethau lle mae angen cynnal gweithlu medrus i ymbaratoi ar gyfer yr adferiad economaidd.

Meini prawf y Rhaglen Recriwtiaid Newydd

Mae'n rhaid i bob cyflogwr:

  • allu cynnig prentisiaeth(au) ychwanegol amser llawn, hy lleiafswm o 25 awr gan gynnwys amser gyda’r darparwr 
  • talu’r isafswm cyflog priodol ar gyfer prentisiaid (neu fodloni unrhyw reoliad Isafswm Cyflog Cenedlaethol arall a allai fod yn berthnasol) 
  • gallu dangos tystiolaeth o dalu cyflog i’r dysgwr gyda chopïau o slipiau cyflog neu ddatganiadau banc wedi’u hardystio.

Heb y dystiolaeth hon, ni allwn gynnig cymorth.

Mae’n rhaid bod pob dysgwr:

  • rhwng 16 a 24 oed adeg y cais
  • bod yn byw a/neu yn gweithio yng Nghymru
  • bod wedi ei gyflogi gan yr ymgeisydd am ddim mwy na 10 wythnos adeg y cais 
  • bod wedi cofrestru ar fframwaith prentisiaeth lefel 2 neu lefel 3 gyda darparwr dysgu seiliedig ar waith sydd â chontract â Llywodraeth Cymru.

Beth yw'r cymorth ariannol?

Telir cymhorthdal cyflog uwch o £3,900 dros 52 wythnos i'r cyflogwr, yn amodol ar y meini prawf cymhwysedd ac ar fodloni gofynion tystiolaethol (ddim yn gymwys i'r sector cyhoeddus). Telir y cymhorthdal cyflog mewn rhandaliadau o £100 ar gyfer 26 wythnos a £50 ar gyfer y 26 wythnos sy'n weddill.

I gael rhagor o wybodaeth:

Cysylltwch â’ch Darparwr Dysgu Seiliedig ar Waith lleol neu Gyrfa Cymru ar 0800 100 900.