Gwastraff

Mae’r sector gwastraff yn gyfrifol am lai na 5% o’r allyriadau nwyon tŷ gwydr a gynhwysir yn y targed o 3%. Er 1998, mae’r sector hwn wedi lleihau ychydig ar ei allyriadau uniongyrchol.

Camau allweddol

Mae ein camau i leihau allyriadau yn y sector gwastraff yn cynnwys:

• Lleihau allyriadau o safleoedd tirlenwi;
• Lleihau allyriadau anuniongyrchol sy’n gysylltiedig â threuliant adnoddau trwy gynyddu ailddefnyddio, ailgylchu a chompostio; a
• Gweithredu’n Strategaeth Wastraff a’n Cynlluniau Sector.

Ein dull ni o fynd ati i leihau allyriadau

Mae ein strategaeth wastraff, Tuag at Ddyfodol Diwastraff, yn nodi ein hamcanion polisi a’n targedau ar gyfer y cyfnod o 2010 i 2050. Mae lleihau allyriadau nwyon tŷ gwydr uniongyrchol ac anuniongyrchol o reoli gwastraff yn ffordd allweddol o weithredu Tuag at Ddyfodol Diwastraff.

Bydd y cynlluniau sector canlynol yn cael eu datblygu:

• Gwastraff trefol a gesglir gan awdurdodau lleol;
• Casglu, seilwaith a marchnadoedd;
• Adeiladu a dymchwel; a
• Manwerthu (gyda phwyslais ar wastraff bwyd a rhoi sylw manwl i ddeunydd pacio).

Bydd cynlluniau sector yn y dyfodol yn cynnwys y sector cyhoeddus ac amaethyddiaeth. Fe fydd cynllun sector a fydd yn rhoi sylw i weddill y sectorau gwastraff masnachol a diwydiannol yn ogystal.