Ffioedd a thaliadau

Mae dwy set o drefniadau talu ar wahân ond cysylltiedig yn gymwys i weithfeydd:

• caiff costau ar gyfer gweithfeydd Rhan A(1) eu gosod a’u gweithredu gan Asiantaeth yr Amgylchedd;
• caiff costau ar gyfer gweithfeydd Rhan A(2) a Rhan B eu gosod gan Weinidogion Cymru a’u gweithredu gan awdurdodau lleol Cymru.

Gweithfeydd Rhan A(1)

Gelwir y gweithfeydd sydd â'r risg amgylcheddol uchaf yn weithgareddau Rhan A(1). Mae'r rhain yn cael eu rheoleiddio gan Cyfoeth Naturial Cymru.

Enghreifftiau yw:

• gorsafoedd pŵer mawr;
• purfeydd metel a gweithfeydd dur mawr;
• gwaredu gwastraff mawr neu beryglus;
• cynhyrchu moch a dofednod ar raddfa fawr;
• cynhyrchu cemegau organig neu anorganig.

Gweithfeydd Rhan A(2)

Gelwir y gweithfeydd sydd â risg amgylcheddol canolig yn weithgareddau Rhan A(2) Mae'r rhain yn cael eu rheoleiddio gan awdurdodau lleol.

Enghreifftiau yw:

• gweithfeydd araenu coil;
• gweithfeydd galfaneiddio sypiau;
• gefeiliau;
• castio aloeon metel ar raddfa ganolig;
• gorchuddio cerrig ffyrdd;
• prosesau eraill â risgiau amgylcheddol llai.

Gweithfeydd Rhan B

Gelwir y gweithfeydd sydd â risg amgylcheddol isel yn weithgareddau Rhan B. Maen nhw hefyd yn cael eu rheoleiddio gan awdurdodau lleol.

Enghreifftiau yw:

• sychlanhawyr;
• gweithfeydd rendro bach;
• ail-chwistrellu cerbydau ffordd;
• cynhyrchu compostau tyfu madarch.