Datblygu Hunaniaeth a Nodweddion Unigryw

Crynodeb o'r prosiect

Nod y prosiect hwn oedd hybu arbenigrwydd lleol cymunedau gwledig er mwyn denu rhagor o dwristiaeth a buddsoddiad, ynghyd â rhoi gwell cyfleoedd cymdeithasol i bobl leol.

Cyflogwyd swyddog datblygu gan y prosiect i weithio mewn cymunedau gwledig er mwyn:

• hyrwyddo'r dreftadaeth a'r diwylliant lleol a manteisio ar adnoddau prin eu defnydd a thraddodiadau cefn gwlad Sir Gaerfyrddin, gan weithio gyda phobl leol a grwpiau cymunedol
• clustnodi'r camau y gellid eu cymryd i wella'r posibiliadau o ran twristiaeth mewn ardal ddaearyddol benodol neu ganolbwynt gwledig
• clustnodi rôl bosibl y canolbwynt fel man ar gyfer diddordebau/themâu arbennig, gan ddatblygu atyniadau twristiaeth presennol (ac ychwanegu gwerth atynt) a thraddodiadau diwylliannol a hanesyddol yr ardal. Ymhlith yr enghreifftiau o feysydd o ddiddordeb arbennig y gellid canolbwyntio arnynt y mae'r themâu canlynol: afonydd, cestyll ac ati.
• gweithio gyda darparwyr presennol i dwristiaid er mwyn cryfhau gweithgareddau cydweithredol yn y canolbwynt
• datblygu a darparu cynlluniau gweithredu lleol o ran nodweddion unigryw ym mhob un o'r canolbwyntiau gwledig
• cynorthwyo grwpiau cymunedol i ddatblygu cynigion newydd i wella'r posibiliadau o ran twristiaeth yn y canolbwynt gwledig.

Ymhlith yr enghreifftiau o'r gweithgareddau sydd wedi cael cymorth gan y prosiect y mae:

• gweithgareddau sy'n gwella'r dreftadaeth leol; yr amgylchedd adeiledig a naturiol; a'r diwylliant lleol
• gwyliau a digwyddiadau strategol e.e. gwyliau afonydd; cestyll; beirdd ac awduron lleol; tirwedd wledig; yr iaith Gymraeg; cerddoriaeth Gymraeg ac ati
• cyfleusterau twristiaeth ar raddfa fechan/cyfleusterau crefftau
• gweithgareddau marchnata
• twristiaeth awyr agored