Gwasanaeth gwybodaeth allgymorth i rieni

Crynodeb o'r prosiect

Prif nodau’r prosiect yw:

• Gwella mynediad at wasanaethau drwy ddarparu gwybodaeth, cyfarwyddyd a chymorth i rieni ynghylch yr ystod eang o wasanaethau sydd ar gael i fodloni eu hanghenion hwy ac anghenion eu plant.
• Galluogi rhieni di-waith i gael mynediad at gyfleoedd hyfforddiant a chyflogaeth drwy ddarparu gofal plant am ddim/â chymhorthdal, costau cludiant a hyfforddiant am ddim.
• Gwella seilwaith cymunedol drwy gynyddu nifer y lleoedd gofal plant a nifer y lleoliadau gofal plant sydd ar gael yn lleol drwy ddarparu hyfforddiant am ddim i unrhyw un sydd â diddordeb mewn gweithio yn y sector gofal plant.
• Hybu iechyd a lles rhieni, plant a phobl ifanc drwy ddarparu ystod eang o wybodaeth iechyd a thrwy godi teuluoedd allan o dlodi.

Bydd y prosiect yn darparu:

• Gwasanaeth gwybodaeth allgymorth i rieni a gofalwyr mewn ardaloedd gwledig
• Gwell mynediad at wybodaeth, cymorth a chyfarwyddyd i rieni a gofalwyr am bob agwedd ar ofal plant a gwasanaethau plant ym Mwrdeistref Sirol Wrecsam er mwyn gwella’r defnydd o wasanaethau’n lleol a ledled y sir.
• Cynorthwyo rhieni i’w galluogi i gael mynediad at gyfleoedd hyfforddiant a chyflogaeth drwy ddarparu gofal plant am ddim/â chymhorthdal, a chostau cludiant a hyfforddiant.