Gwasanaeth Cynghori ar TGCh Wledig

Crynodeb o'r prosiect

Nod y prosiect yw gwneud busnesau gwledig lleol yn fwy cynaliadwy drwy eu helpu i gael y mwyaf o’u defnydd a’u gallu o ran TGCh. Mae hyn yn cynnwys hyrwyddo’r defnydd o TGCh ymysg busnesau gwledig, cynyddu’r defnydd o TGCh mewn ardaloedd gwledig, a helpu busnesau a grwpiau i gynnwys a defnyddio cymaint o TGCh ag sy’n bosibl yn eu busnes.

Bydd y prosiect yn cyflenwi’r gwasanaeth yn y modd mwyaf hyblyg posibl fel na fydd unrhyw grwpiau wedi’u cau allan o’r gwasanaeth. Er mwyn gwneud hyn, rhagwelir y bydd y canlynol yn cael eu cynnig:

• Digwyddiadau hybu ymwybyddiaeth wedi’u targedu ar grwpiau neu dechnolegau penodol er mwyn cynnig cyngor ar unrhyw bynciau sy’n ymwneud â TG neu gyfathrebu.
• Cymryd rhan mewn gweithgareddau partneriaeth gyda chyrff fel yr Adran Addysg a Hyfforddiant
• Ymwneud â chyrsiau i fusnesau cyn ac ar ôl eu sefydlu
• Darparu cymorthfeydd TGCh
• Darparu cyngor a chymorth un i un
• Bydd yr holl gyngor yn ddiduedd ac yn ddi-dâl a byddwn yn cyfeirio cleientiaid at y cyrff perthnasol. Byddai’r prosiect yn ceisio rhoi o leiaf 4 awr o gymorth i fusnes penodol mewn ymateb i bob ymholiad.