Patrwm Gwaith Ieuenctid De Maelor

Crynodeb o'r prosiect

Mae’r Gwasanaeth Ieuenctid yn darparu gwasanaeth cyfyngedig yn ardal De Maelor. Mae angen darpariaeth fwy ac mae cyfle i gydgysylltu a gwella’r ddarpariaeth a gyflenwir gan y sectorau statudol a gwirfoddol, gan gynnwys gweithgareddau chwaraeon, sgowtiaid a geidiaid, Ffermwyr Ifanc, cynghorau ysgolion cynradd ac uwchradd etc. Er mwyn datblygu a chyflenwi darpariaeth ieuenctid sy’n diwallu anghenion pobl ifanc a’u cymunedau, mae’n hollbwysig bod yr holl bartneriaid allweddol yn cydweithio. Er mwyn sicrhau hyn, mae cais wedi’i baratoi a’i gyflwyno ar y cyd gan Wasanaeth Ieuenctid Cyngor Bwrdeistref Sirol Wrecsam, Cynghorau Cymuned De Maelor a’r Mudiad Ffermwyr Ifanc.

Mae’r canlynol yn enghreifftiau o’r mathau o weithgareddau y gellir eu cynnig:

• Bancio amser
• Addysg Awyr Agored (gyda mynediad i Nantyr)
• Prifysgol y Plant
• Cynllun Gwobrau Dug Caeredin
• Gweithgareddau sy’n ymwneud â materion penodol h.y. iechyd a ffitrwydd, addysg cyffuriau ac alcohol, cyngor ar yrfaoedd, hawliau a chyfrifoldebau, etc.
• Fforwm Ieuenctid
• Mynediad i’r Rhaglen Sirol
• Y celfyddydau/drama/chwaraeon/prosiectau cymunedol/codi arian/etc.
• Mynediad i Ganolfan Pobl Ifanc ‘Y Fic’ ar gyfer gweithgareddau cerddorol, drama a dweud stori ddigidol yn y Digilab
• Mynediad at ddarpariaethau eraill y Gwasanaeth Ieuenctid fel Nantyr, Tîm Cyffuriau ac Alcohol Pobl Ifanc, Prosiect Gwaith Ieuenctid yn yr Ysbyty (Hunan-niwed), Siop INFO i Bobl Ifanc, Fforwm Ieuenctid Sir Wrecsam, cyngor a chlinig Iechyd Rhywiol, Prosiect Eirioli’r Ail Lais a’r Gwasanaeth Cwnsela Outside In.
• Darparu Cynlluniau Haf