I gofrestru â Chyswllt Ffermio - 08456 000813

Mae’n tîm yn Aberystwyth ar gael i ddelio ag ymholiadau dros y ffôn, ac ar lythyr neu e-bost gan fusnesau ffermio a choedwigo o bob rhan o Gymru.

Gallant:

• eich cofrestru i sicrhau’ch bod yn gymwys i gael help;
   
• gwrando ar eich anghenion i sicrhau’ch bod yn cael y gwasanaeth neu’r cyngor arbenigol gorau;
     
• eich cyfeirio at ein Gwasanaeth Cynghori Ffermwyr, a fydd yn eich helpu gydag amrywiaeth o faterion trawsgydymffurfio sy’n effeithio ar eich hawl i’r Taliad Sengl.

Y broses gofrestru

• Ffoniwch ein Canolfan Wasanaethau ar 08456 000 813 - bydd un o staff y Ganolfan yn asesu a ydych yn gymwys ai peidio, eich cofrestru dros y ffôn, a thrafod eich anghenion penodol
   
• Fel arall, gallwch lenwi ffurflen gofrestru yn ystod unrhyw ddigwyddiad neu sioe y mae Cyswllt Ffermio’n bresenol ynddynt.
   
• Ar ôl eich cofrestru, bydd y Ganolfan Wasanaethau yn gyrru llythyr a thaflenni gwybodaeth i chi, sydd yn nodi’r ystod o wasanaethau a gynigir sydd wedi eu hariannu naill ai’n rhannol neu yn llawn.
   
• Ar ôl cofrestru, bydd un o staff Cyswllt Ffermio sydd yn eich swyddfa Llywodraeth Cymru rhanbarthol, naill ai yng Nghaernarfon, Llandrindod neu Gaerfyrddin, yn cysylltu gyda chi.
   
• Mae timau Cyswllt Ffermio wedi’u lleoli yn y swyddfeydd rhanbarthol er mwyn sicrhau bod Cyswllt Ffermio, y Gwasanaeth Cysylltwyr Fferm a gwasanaeth blaen swyddfa Is-adran Taliadau Gwledig Llywodraeth yn cydweithio’n agos. 

Rhaid eich bod wedi cofrestru â Chyswllt Ffermio cyn y cewch fanteisio ar ein holl wasanaethau. Ffoniwch ein Canolfan Wasanaethau ar 08456 000 813 i gofrestru.