Canolfannau Bwyd

Cyfleusterau cynghori ac ymgynghori yw'r canolfannau bwyd sy'n cynnig gwasanaethau technegol i fusnesau newydd, cwmnïau maint bach a chanolig a gwneuthurwyr bwyd presennol. Maent yn chwarae rolau strategol o ran rhoi cefnogaeth dechnegol i'r diwydiant bwyd yng Nghymru, gan weithio mewn partneriaeth â Llywodraeth Cymru.

Mae'r Canolfannau yn cynnwys:

Canolfan Diwydiant Bwyd Zero2Five ym Mhrifysgol Fetropolitan Caerdydd (dolen allanol)

Canolfan Bwyd Cymru yn Horeb, Ceredigion (dolen allanol)

Y Ganolfan Technoleg Bwyd yng Ngholeg Menai (dolen allanol)

Mae pob un o'r canolfannau hyn wedi'u neilltuo i annog datblygiad y sector bwyd-amaeth. Eu nod yw darparu cymorth technegol ac ymarferol ar bob agwedd ar gynhyrchu bwyd, gan gynnwys:

• datblygu cynnyrch newydd
• deddfwriaeth
• cynllun y ffatri a’r gweithle
• sicrhau ansawdd
• systemau a gweithdrefnau newydd
• hylendid
• diogelwch bwyd
• marchnata.

Mae'r tair canolfan hefyd yn ymateb i ymholiadau technegol gan gwmnïau bwyd. O ganlyniad i'r gwasanaeth hwn mae cwmnïau yn elwa ar gyngor a chymorth ar nifer o faterion technegol a systemau ansawdd (gwasanaeth am ddim ac fel arfer am gyfnod o hyd at 2 ddiwrnod).

Bydd y canolfannau bwyd yn:

• mynd ati i gydweithio'n agos gyda'r Timau Rhanbarthol yn Llywodraeth Cymru i hwyluso gweithio cydgysylltiedig;
• ysgogi arloesi a chefnogi'r gwaith o ddatblygu cynnyrch newydd sy'n fanteisiol i gwmnïau bwyd a diod; 
• hysbysu’r Timau Rhanbarthol rheolaidd ynghylch hynt eu gweithgareddau;
• cydweithio i ddiwallu anghenion y cwmnïau bwyd a diod;
• mynd i'r afael â gweithgareddau ar ran ei gilydd lle bo hynny'n briodol;
• rhannu gwybodaeth wyddonol a thechnegol ac unrhyw wybodaeth berthnasol arall gan gynnwys ystadegau ac ymchwil; a
• mynd ati i gyfrannu at y gwaith o sicrhau nodau strategol Llywodraeth Cymru tuag at ddatblygu'r diwydiant bwyd a diod yng Nghymru.