Grantiau ac ariannu

Mae’r rhain yn cynnwys:

• y Gronfa Hyrwyddo Cydraddoldebau
• y Grant Cynhwysiant
• Grant Sipsiwn a Theithwyr (Safleoedd Newydd ac Adnewyddu)
• ariannu digwyddiadau Diwrnod Rhyngwladol y Menywod.

Rhaglen Newydd Arfaethedig o Grantiau ar gyfer

Mae Llywodraeth Cymru wedi bod yn ystyried strwythur grant y dyfodol o ran cydraddoldebau a chynhwysiant ar ôl i'r Gronfa Hyrwyddo Cydraddoldeb a'r Grant Cynhwysiant presennol ddod i ben. Rydym wedi ymgynghori ar fframwaith grant newydd arfaethedig ac mae crynodeb o'r ymatebion a ddaeth i law ar gael ar y dudalen "Dogfen Ymgynghori". Mae hon ar gael i'w lawrlwytho dan "Dolenni perthnasol".

Yn wreiddiol roeddem wedi rhagweld y byddai'r fframwaith grant newydd yn cael ei ddyfarnu o fis Hydref 2013, gan wahodd ceisiadau ym mis Ebrill. Mae'r Gweinidog dros Gymunedau a Threchi Tlodi, sy'n gyfrifol am gydraddoldebau a chynhwysiant, wedi penderfynu oedi na fydd y fframwaith grantiau newydd yn cael ei lansio am chwe mis arall, i gychwyn ym mis Ebrill 2014. Bydd hyn yn galluogi'r Gweinidog i roi ystyriaeth i gyllid grant ar draws y portffolio Cymunedau a Threchu Tlodi, yn ogystal â chaniatáu mwy o ymgysylltiad â'r trydydd sector ar ddyfodol y Grant Cydraddoldeb a Chynhwysiant. Byddwn yn darparu amserlen cyn bo hir a rhagwelwn y byddwn yn gwahodd ceisiadau am gyllid dan y Grant Cydraddoldeb a Chynhwysiant yn ystod yr haf.

Yn flaenorol, roedd y sefydliadau a gafodd gyllid gan y Gronfa Hyrwyddo Cydraddoldeb a'r Grant Chynhwysiant yn 2012-13 wedi cael cynnig estyniad i'w cyllid hyd at fis Medi 2013. Mae'r Gweinidog dros Gymunedau a Threchi Tlodi wedi cytuno i ymestyn y cyllid grant presennol am chwe mis pellach i gynnwys y cyfnod rhwng Hydref 2013 a Mawrth 2014. Mae hyn yn amodol ar gytuno ar amcanion priodol, ac yn amodol ar delerau ac amodau cyfredol.