Law yn Llaw at Iechyd

Mae’n seiliedig ar wasanaethau cymunedol gyda chleifion yn ganolog iddi, ac mae’n rhoi ansawdd, atal a thryloywedd wrth galon gofal iechyd.

Mae’r ddogfen yn amlinellu’r heriau sy’n wynebu’r gwasanaeth iechyd, yn ogystal â’r camau y mae angen eu cymryd i wneud yn siŵr y gall ei berfformiad fod gyda’r gorau yn y byd.

Mae’r canlynol ymysg y ffactorau sydd y tu ôl i’r angen am newid:

• poblogaeth hŷn sy’n cynyddu 
• anghydraddoldebau iechyd 
• cynnydd yn nifer y cleifion â chyflyrau cronig 
• pwysau ar staff meddygol 
• pwysau gormodol ar rai gwasanaethau arbenigol.

Mae’r ddogfen yn nodi sut bydd y GIG yn edrych mewn pum mlynedd, gyda gwasanaethau sylfaenol a chymunedol yn ganolog i’w ddarparu.

Dyma brif ymrwymiadau Law yn Llaw at Iechyd:

• moderneiddio gwasanaethau, gan gynnwys darparu mwy o ofal yn agosach at y cartref a ‘chanolfannau rhagoriaeth’ arbenigol
• taclo anghydraddoldebau iechyd
• systemau TG gwell a strategaeth wybodaeth sy’n sicrhau gofal gwell i gleifion
• gwella ansawdd gofal
• datblygu’r gweithlu
• sefydlu ‘compact â’r cyhoedd’ 
• newid y gyfundrefn ariannol.