Gosod y Cyfeiriad: Gwasanaethau Cychwynnol a Chymuned - Rhaglen Strategol ar Gyfer Cyflenwi

Mae'r adroddiad yn cynnwys rhai argymhellion i ychwanegu at y cryfderau a'r datblygiadau y mae'r system gyfredol wedi elwa arnynt hyd yma, gan fynd i'r afael yn uniongyrchol â rhai o'r heriau presennol ar yr un pryd. Ymhlith yr Egwyddorion gwaelodol ar gyfer gwella mae:

• Cofrestru pawb yn y boblogaeth a mynediad agored i wasanaethau sydd wedi’u trefnu’n effeithiol o fewn y gymuned
• Y cysylltiad cyntaf â meddygon cyffredinol sy’n delio â phroblemau cyffredinol ac sy’n cael eu cefnogi gan dîm cymunedol integredig
• Tîm gofal sylfaenol lleol sy’n gweithio i wasanaethu poblogaethau gwahanol
• Ffocws ar atal, ymyrryd yn gynnar a gwella iechyd y cyhoedd ac nid ar driniaeth yn unig
• Gofal cydgysylltiedig lle mae meddygon cyffredinol yn gweithio’n agos gydag arbenigwyr a chymorth ehangach yn y gymuned i atal iechyd gwael, lleihau dibyniaeth a thrin afiechyd yn effeithiol
• Gweithlu hyfedr integredig
• Iechyd a gofal cymdeithasol yn cydweithio ar hyd pob rhan o daith y claf gan sicrhau bod y gwasanaethau’n hygyrch ac yn hawdd ymdopi â nhw.
• Systemau gwybodaeth a chyfathrebu cadarn i helpu i wneud penderfyniadau effeithiol ac ennyn diddordeb y cyhoedd
• Dinasyddion a'u gofalwyr yn cymryd rhan weithredol mewn penderfyniadau ar eu gofal a'u lles.

I gael copi caled, cysylltwch â CCMmailbox@wales.gsi.gov.uk