Skip to content

Cronfa Ymddiriedolaeth Cymunedau yn Gyntaf

Dolenni perthnasol

Cynllun Gweithredu ar gyfer Trechu Tlodi

Cynllun Gweithredu ar gyfer Trechu Tlodi
Mae'r cynllun hwn yn disgrifio prif amcanion ein hymrwymiad i atal tlodi, i helpu pobl i oresgyn tlodi ac i leddfu effaith tlodi.

Dyfodol Cymunedau yn Gyntaf

Canllawiau a gwybodaeth.

Cymunedau yn Gyntaf – Y Dyfodol

Ymgynghoriad yn gofyn am eich barn ar y newidiadau a gynigir i raglen Cymunedau yn Gyntaf.

Mae Cronfa Ymddiriedolaeth Cymunedau yn Gyntaf yn darparu grantiau bach i gyrff cymunedol a gwirfoddol bach mewn ardaloedd Cymunedau yn Gyntaf.

 Bu Cronfa Ymddiriedolaeth Cymunedau yn Gyntaf yn weithredol er 2001 ac mae'n galluogi i grwpiau cymunedol bach gael cyllid ar gyfer gweithgareddau a phrosiectau fydd yn eu caniatáu i barhau i wirfoddoli a gweithgareddau eraill sy'n cyfrannu'n gadarnhaol at y gymuned. Ers iddi gael ei sefydlu, mae'r Gronfa Ymddiriedolaeth wedi cefnogi gweithgareddau yn agos i 10,000 o grwpiau, gan gynnwys glanhau ystadau lleol, digwyddiadau rhyngddiwylliannol a chymunedol a phrynu cyfarpar a chyfleusterau i'r gymuned.

Diben y cynllun yw cefnogi unrhyw fath o weithgaredd sy'n cynnwys pobl leol, drwy sefydliadau cymunedol bach, sydd er budd eu cymuned. Rhaid i'r gweithgareddau ddarparu mesur o fudd economaidd, amgylcheddol, cymdeithasol neu ddiwylliannol i bobl sy'n byw mewn ardal Cymunedau yn Gyntaf. Mae'r holl ardaloedd Cymunedau yn Gyntaf ar draws Cymru yn gymwys i dderbyn cefnogaeth gan Gronfa Ymddiriedolaeth Cymunedau yn Gyntaf .

Caiff y Gronfa Llywodraeth Cymru ei gweinyddu ar hyn o bryd gan Gyngor Gweithredu Gwirfoddol Cymru (CGGC). Ceir arweiniad a meini prawf llawn ar gyfer Cronfa Ymddiriedolaeth Cymunedau yn Gyntaf ar wefan CGGC.

Nid yw Cronfa Ymddiriedolaeth Cymunedau yn Gyntaf ar hyn o bryd yn derbyn ceisiadau oherwydd adlinio Rhaglen Cymunedau yn Gyntaf. Bydd manylion am y cynllun newydd ar gael yn fuan.