Sail gydweithredol ar gyfer gwasanaethau cyhoeddus yng Nghymru

• fframwaith y gall gwasanaethau cyhoeddus weithio oddi fewn iddo wrth ddatblygu dulliau cyson o lunio trefniadau cydweithredu newydd;
• eglurder ynghylch sut y dylai gwasanaethau cyhoeddus gydweithio;
• mwy o sefydlogrwydd a llai o gymhlethdod.

Roedd y sail gydweithredol yn pennu chwe ardal:

Gogledd Cymru

• Cyngor Sir Ynys Môn
• Cyngor Gwynedd
• Cyngor Bwrdeistref Sirol Conwy
• Cyngor Sir Ddinbych
• Cyngor Sir y Fflint
• Cyngor Bwrdeistref Sirol Wrecsam

Gwent

• Cyngor Bwrdeistref Sirol Blaenau Gwent
• Cyngor Bwrdeistref Sirol Caerffili
• Cyngor Sir Fynwy
• Cyngor Bwrdeistref Sirol Torfaen 
• Cyngor Dinas Casnewydd

Cwm Taf

• Cyngor Bwrdeistref Sirol Merthyr Tudful 
• Cyngor Bwrdeistref Sirol Rhondda Cynon Taf

Bae Abertawe

• Cyngor Bwrdeistref Sirol Pen-y-bont ar Ogwr
• Cyngor Bwrdeistref Sirol Castell-nedd Port Talbot
• Cyngor Dinas a Sir Abertawe

Y Canolbarth a’r Gorllewin

• Cyngor Sir Powys
• Cyngor Sir Ceredigion
• Cyngor Sir Caerfyrddin 
• Cyngor Sir Penfro

Caerdydd a’r Fro

• Cyngor Caerdydd 
• Cyngor Bro Morgannwg

Ymateb Llywodraeth Cymru i’r angen am arweiniad ar yr agwedd hon ar ddarparu gwasanaethau cyhoeddus yw’r Sail Gydweithredol ar gyfer Gwasanaethau Cyhoeddus; nid yw’n batrwm ar gyfer ad-drefnu. Mae hefyd yn adlewyrchu'r egwyddorion a'r ethos a ysgogwyd gan Gynllun Gofodol Cymru sy'n canolbwyntio ar bobl, llefydd a'r dyfodol.

Mewn trafodaethau blaenorol gyda’n partneriaid darparu ar draws Sectorau yng Nghymru, tynnwyd sylw at y ffaith bod darparu gwasanaethau yn mynd yn gymhleth pan fo yna wahanol ‘seiliau’ ar gyfer gwahanol feysydd polisi a sefydliadau, a’r pryder oedd y byddai hyn yn dod yn fwy cymhleth fyth yn sgil gweithredu’r newidiadau sy’n deillio o Gompact Simpson ac Adolygiad Vivian Thomas ‘Strwythur Gwasanaethau Addysg yng Nghymru’ a’r datganiad polisi Gwasanaethau Cymdeithasol Cynaliadwy i Gymru, Fframwaith Gweithredu.  

Nid yw’r sail gydweithredol yn golygu bod yn rhaid dod â’r trefniadau cydweithredu cyfredol, sy’n profi’n effeithiol, i ben. Mae yna ddisgwyliad ar bob ochr y bydd y cydweithio yn y dyfodol yn cydweddu â’r sail gydweithredol, gan gynnwys cyfuno’r ardaloedd hyn pan fo hi’n ofynnol neu’n briodol darparu gwasanaethau rhanbarthol ar raddfa ehangach.

Mae gan bob un o’r 6 ardal arweinydd rhanbarthol ar lefel Prif Weithredwr, sy’n eistedd ar Grŵp Arwain y Gwasanaethau Cyhoeddus.