Ymyriad Ynys Môn

Roedd yr adroddiad yn tynnu sylw at nifer o fethiannau o ran llywodraethu corfforaethol ac arweiniad, ac roedd yn argymell bod Llywodraeth Cynulliad Cymru yn ymyrryd i sicrhau adferiad. www.wao.gov.uk (dolen allanol) 

Derbyniodd y Gweinidog dros Gyfiawnder Cymdeithasol a Llywodraeth Leol yr argymhelliad hwn, ac ar 12 Awst cyhoeddodd gyfarwyddyd ffurfiol i Gyngor Sir Ynys Môn gan ddefnyddio ei bwerau o dan Adran 15 o Ddeddf Llywodraeth Leol 1999.

Dyma amodau'r cyfarwyddyd:

• ei gwneud yn ofynnol i'r Cyngor gydymffurfio'n llawn ac yn gynaliadwy â holl argymhellion yr Archwilydd Cyffredinol, cyn gynted â phosibl
• atal y Cyngor rhag arfer ei swyddogaethau o dan Adran 4(1) o Dddeddf Llywodraeth Leol a Thai 1989 i benodi pennaeth y gwasanaeth cyflogedig / rheolwr gyfarwyddwr am gyfnod o ddwy flynedd
• gwahardd y Cyngor rhag diwygio ei gynllun dirprwyo (sy'n nodi'r swyddogaethau y mae ei Aelodau, pwyllgorau a swyddogion yn eu cyflawni) oni bai bod Gweinidogion Cymru yn rhoi cyfarwyddyd gwahanol
• ei gwneud yn ofynnol i'r Cyngor gydweithredu â Bwrdd Adfer, a gaiff ei benodi i fonitro cynnydd ac i gynghori'r Gweinidog a'r Cyngor ar y cynnydd hwnnw.