Cyfarwyddyd Ymarfer: Goblygiadau Cynllunio Datblygiadau Ynni Adnewyddadwy a Charbon Isel

Ar gyfer pob technoleg ynni adnewyddadwy a charbon isel, mae'r cyfarwyddyd hwn yn rhoi:

• Disgrifiad syml nad yw'n dechnegol;
• Y prif gyfyngiadau technolegol ac ariannol;
• Materion y drefn gynllunio;
• Effeithiau a manteision amgylcheddol, cymdeithasol ac economaidd;
• Mesurau dylunio, lliniaru a gwella.

Mae hefyd yn ystyried:

• Effeithiau'r newid yn yr hinsawdd ar y technolegau hyn;
• Sbardunau a rhwystrau ariannol perthnasol a allai fodoli;
• Swyddogaeth cynnwys cymunedau a manteision cymunedol sy'n dod o'r technolegau hyn;
• Swyddogaeth y technolegau hyn o fewn ardaloedd a safleoedd penodedig;
• Y cyfleoedd o ran cymryd rhan, dylunio da a chynllunio.

Dylid darllen y cyfarwyddyd ymarfer hwn law yn llaw â Nodyn Cyngor Technegol 8 Cynllunio ar gyfer Ynni Adnewyddadwy.

Mae'r cyfarwyddyd ymarfer yn tynnu ar gasgliadau'r gwaith ymchwil a gafodd ei baratoi i ni gan Ymgynghorwyr Defnydd Tir a Chanolfan Ynni Cynaliadwy.

Diweddarwyd y cyfarwyddyd ymarfer yn 2011 er mwyn cynnwys canllawiau ar oblygiadau cynllunio rhesi o baneli solar.