Polisi Cynllunio Cymru (Argraffiad 5, Tachwedd 2012)

Mae’n darparu’r fframwaith polisi ar gyfer awdurdodau cynllunio lleol er mwyn iddynt baratoi cynlluniau datblygu yn effeithiol.

Caiff ei hategu gan 21 o Nodiadau Cyngor Technegol (TANs) ar bynciau penodol. Rhoddir canllawiau ar weithdrefnau yng nghylchlythyrau’r Swyddfa Gymreig / Cynulliad Cenedlaethol Cymru / Llywodraeth Cymru.

Gallai Polisi Cynllunio Cymru, y TANs a’r cylchlythyrau fod yn berthnasol i benderfyniadau ar geisiadau cynllunio unigol. Bydd Gweinidogion Cymru a’r Arolygwyr Cynllunio yn ystyried y rhain wrth benderfynu ar geisiadau cynllunio sy’n cael eu galw i mewn ac apelau.

Gallwch lawrlwytho Polisi Cynllunio Cymru isod. Mae’n cynnwys cysylltiadau gwe â’r holl ddogfennau cyfeirio, ac eithrio cylchlythyrau’r Swyddfa Gymreig a Chynulliad Cenedlaethol Cymru. Mae’r rhain ar gael gan y Ganolfan Gyhoeddiadau:

e-bost: wag-cy@mailuk.custhelp.com

ffôn: 029 2082 3683.

Mae’r ddogfen lawn isod yn ffeil gymharol fawr (6MB) a gallai gymryd peth amser i lawrlwytho. Mae’r penodau unigol hefyd ar gael isod ac maent yn ffeiliau llai o lawer.

Hefyd, mae crynodebau o’r newidiadau a wnaed i argraffiadau blaenorol o Bolisi Cynllunio Cymru a chrynodeb o’r newidiadau diweddaraf ar gael.

Sut i ddefnyddio’r ddogfen hon

Mae’r dogfennau y cyfeirir atynt a’r nodiadau esboniadol yn Polisi Cynllunio Cymru ar gael fel nodau tudalen o fewn y ddogfen. Maent hefyd yn cael eu rhestru ar ddiwedd pob pennod. Mae’r dogfennau a’r nodiadau hyn yn darparu gwybodaeth y dylid eu darllen ar y cyd â Polisi Cynllunio Cymru.

Cyhoeddir Polisi Cynllunio Cymru ar ffurf electronig yn unig. Ymgynghorir ar unrhyw newidiadau arfaethedig ar ffurf newidiadau drafft i’r polisi cynllunio. Unwaith y cytunir arnynt, caiff argraffiad newydd o Polisi Cynllunio Cymru ei gyhoeddi.