Ystadegau Economaidd Allweddol, Chwefror 2012

Mae'r bwletin yn cynnwys y wybodaeth ddiweddaraf o nifer o ffynonellau ac mae'n ymdrin â nifer o gyfnodau. Mae'r bwletin hwn yn diweddaru'r ystadegau a gyhoeddwyd yn flaenorol ar 18 Ionawr 2012.

Mae amcangyfrifon yr Arolwg o'r Llafurlu ar gyfer y 3 mis hyd at fis Rhagfyr 2011 yn dangos:

• Bod y gyfradd gyflogaeth ymhlith pobl 16 - 64 oed yng Nghymru yn 68.5 y cant, cynnydd o 0.8 pwynt canran o’r un cyfnod flwyddyn ynghynt. Y ganran gyfartalog ar gyfer y DU oedd 70.3 y cant, lleihad o 0.2 pwynt canran o’r un cyfnod flwyddyn ynghynt.
• Bod y gyfradd diweithdra yng Nghymru yn 9.0 y cant o’r rheini sydd yn economaidd weithgar, cynnydd  0.7 pwynt canran o’r un cyfnod flwyddyn ynghynt. Ar gyfer y DU cyfan, roedd yn 8.4 y cant, cynnydd o 0.5 pwynt y canran o’r un cyfnod flwyddyn ynghynt.
• Roedd cyfradd yr anweithgarwch economaidd ymhlith pobl 16-64 oed yng Nghymru yn 24.6 y cant, lleihad 1.3 pwynt canran o’r un cyfnod flwyddyn ynghynt. Y ganran gyfartalog ar gyfer y DU oedd 23.1 y cant, lleihad o 0.2 pwynt canran ers yr un cyfnod y flwyddyn gynt.

Roedd canran y rheini yng Nghymru a oedd yn hawlio budd-dal diweithdra yn 5.6 y cant o’r gweithlu yng Ionawr 2012, cynnydd o 0.6 pwynt canran ar fis Ionawr 2011 (cyfradd y DU yn 5.0 y cant, cynnydd o 0.5 pwynt canran ers y flwyddyn cynt).

Gwybodaeth bellach

Gwefan StatsWales.

Gwefan y Swyddfa Ystadegau Gwladol: Ystadegau Farchnad Lafur Data misol Rhanbarthol.

Cyswllt

Llinell Ymholiadau Cyffredinol
Ffôn: 029 2082 3332
E-bost: economic.stats@wales.gsi.gov.uk

Diweddariad nesaf

14 Mawrth 2012