Cleifion Mewn Ysbytai ac Unedau Iechyd Meddwl, 2009

Mae'r ystadegau'n cynnwys data fel yr oeddent ar 31 Mawrth 2009. Mae'r datganiad diweddaraf yn diweddaru'r ystadegau a gyhoeddwyd ar 28 Hydref 2008.

Dyma bwyntiau allweddol y datganiad diweddaraf:

Ar 31 Mawrth 2009:

Cleifion mewn ysbytai ac unedau i bobl â salwch meddwl yng Nghymru:

• Roedd nifer y cleifion wedi gostwng 23 y cant i 1,733 ers 1999.  Rhwng 1998-99 a 2008-09 roedd nifer y gwelyau ar gael mewn ysbytai wedi gostwng 19 y cant.
• Roedd 18 y cant o'r cleifion mewn ysbytai â mwy na 100 o gleifion o’i gymharu â 39 y cant yn 1999.
• Cafodd 492 o gleifion (28 y cant ) eu cadw o dan Ddeddf Iechyd Meddwl 1983 a deddfwriaethau eraill o'i gymharu â 381 o gleifion (17 y cant) yn 1999.
• Roedd 855 o'r cleifion yn fenywod a 878 yn ddynion.
• Roedd 60 y cant o'r cleifion benywaidd yn 65 oed neu'n hŷn o'i gymharu â 42 y cant o'r cleifion gwrywaidd.

Cleifion mewn ysbytai ac unedau i bobl ag anabledd dysgu yng Nghymru:

• Roedd nifer y cleifion wedi gostwng 73 y cant i 114 ers 1999.    Rhwng 1998-99 a 2008-09 roedd nifer y gwelyau ar gael mewn ysbytai wedi gostwng 67 y cant.
• Roedd nifer y cleifion a oedd wedi bod yno ers 2 flynedd neu fwy wedi gostwng 284 neu 78 y cant ers 1999.
• Cofnodwyd bod pob claf wedi bod yn aros mewn ysbytai â llai na 100 o gleifion o'u cymharu â 28 y cant o'r cleifion yn 1999.
• Roedd 41 o'r cleifion yn fenywod a 73 yn ddynion o'i gymharu â 178 yn fenywod a 252 yn ddynion ym 1999.  Cafodd 23 o gleifion, sef 20 y cant o'r cyfanswm, eu cadw o dan Ddeddf Iechyd Meddwl 1983 a deddfwriaeth arall.

Cyswllt

Ffôn: 029 2082 3332
Ebost: stats.healthinfo@wales.gsi.gov.uk

Diweddariad nesaf

Rhagfyr 2010 (dros dro - i'w gadarnhau ar y dudalen I'w Cyhoeddi Cyn Hir)