Oedi wrth Drosglwyddo Gofal, Rhagfyr 2011

Mae’r ystadegau am Oedi wrth Drosglwyddo Gofal yn cynnwys data ar gyfer Cymru ar ddyddiad y cyfrifiad, sef 21 Rhagfyr 2011. Mae’r datganiad diweddaraf yn diweddaru’r ystadegau a gyhoeddwyd ar 20 Rhagfyr 2011.

Dyma’r prif bwyntiau o’r datganiad diweddaraf:

• Cyfanswm y cleifion a gafodd brofiad o oedi wrth drosglwyddo gofal ar ddyddiad y cyfrifiad, sef 21 Rhagfyr 2011 oedd 410; mae hyn yn ostyngiad o 75, neu 15 y cant, o’i gymharu â’r ffigwr ar gyfer 16 Tachwedd 2011. Mae’r patrwm hirdymor yn dangos gostyngiad cyson, ond anwadal, dros y saith blynedd diwethaf o lefel o dros 1,000 yn mis Mawrth 2004 i’r is presennol o 410 yn Rhagfyr 2011.
• Cyfanswm y cleifion a oedd yn aros i adael yr ysbyty oedd 345.  O blith y rhain, roedd 104 wedi’u cadw mewn cyfleusterau iechyd meddwl, ac roedd 241 mewn ysbytai acíwt ac ysbytai cymunedol eraill. Roedd cyfanswm o 40 o gleifion ychwanegol yn profi oedi wrth drosglwyddo oddi mewn i’r GIG neu’n aros am asesiad ac, yn achos 25 o gleifion, nid oedd modd pennu’r cam nesaf.
• Oedi am resymau gofal yn y gymuned oedd yn cyfrif am 74 (26 y cant) o'r 286 o gleifion mewn ysbytai aciwt a chymunedol o gymharu â 77 (27 y cant) am resymau gofal iechyd, 53 (19 y cant) oedd yn aros am gael cartref gofal a 82 (29 y cant) am resymau eraill, gan gynnwys cyfreithiol / ariannol, anghytundeb, a dewis cartref gofal.
• Mae nifer yr oedi mewn ysbytai aciwt a chymunedol fel canran o gyfartaledd nifer y gwelyau sydd ar gael yn amrywio o 2.2 y cant i 14.5 y cant.
• Roedd y gyfradd o oedi wrth drosglwyddo fesul 10,000 o'r boblogaeth 75 oed neu drosodd ar gyfer cleifion o bob oed mewn ysbytai aciwt a chymunedol ym mhob un o'r 22 ardal awdurdod unedol yn amrywio o 4.3 fesul 10,000 i 24.0 fesul 10,000.

Gwybodaeth bellach

Gwefan StatsWales.

Cyswllt

Llinell Ymholiadau Cyffredinol
Ffôn: 029 2082 3332
E-bost: stats.healthinfo@wales.gsi.gov.uk

Diweddariad nesaf

21 Chwefror 2012