Amser a Dreuliwyd yn Adrannau Damweiniau ac Achosion Brys GIG, Ionawr 2012

Mae’r ystadegau am Amser a Dreuliwyd yn Adrannau Damweiniau ac Achosion Brys GIG Cymru yn cynnwys data ar gyfer Cymru am y cyfnod rhwng Ionawr 2011 a Ionawr 2012. Mae’r datganiad diweddaraf yn diweddaru’r ystadegau a gyhoeddwyd ar 26 Ionawr 2012.

Dyma’r prif bwyntiau o’r datganiad diweddaraf:

• Treuliodd 89.3 y cant o gleifion llai na 4 awr mewn cyfleusterau Holl Ofal Brys Ysbyty rhwng cyrraedd a chael eu derbyn, eu trosglwyddo neu’u rhyddhau;
• Treuliodd 96.7 y cant o gleifion llai nag 8 awr mewn cyfleusterau Holl Ofal Brys Ysbyty rhwng cyrraedd a chael eu derbyn, eu trosglwyddo neu’u rhyddhau; a
• Dros y ddwy flynedd diwethaf, mae perfformiad yn erbyn y targedau wedi tueddu i ostwng dros fisoedd y gaeaf ac wedyn codi tan ddiwedd misoedd yr haf. Er hynny, mae’n rhy fuan i ddweud pa effaith mae’r newid technegol isod yn cael ar y gyfres amser.

Ffigurau dros dro yw’r holl ffigurau ar gyfer mis Ionawr 2012.

Mae rhai newidiadau technegol i'r ffordd mae adrannau damweiniau ac achosion brys yn adrodd eu data, sydd wedi cael eu rhoi ar waith o fis Rhagfyr 2011, er mwyn i’r diffiniadau yng Nghymru fod yn fwy cydnaws â'r diffiniadau yn Lloegr am waharddiadau clinigol a gweithredol. Gweler yr adran nodiadau ar ddiwedd y datganiad am fanylion y newidiadau.

O ganlyniad i'r newidiadau hyn, dylai defnyddwyr nodi'r canlynol:

• ni fydd data cyn mis Rhagfyr 2011 yn cael eu cymharu'n uniongyrchol â data ar gyfer y mis yma na misoedd yn y dyfodol.

Gwybodaeth bellach

Gwefan StatsWales.

Cyswllt

Llinell Ymholiadau Cyffredinol
Ffôn: 029 2082 3332
E-bost: stats.healthinfo@wales.gsi.gov.uk

Diweddariad nesaf

29 Mawrth 2012