Anheddau’r Dreth Gyngor, 2010-11

Mae’r datganiad hwn yn darparu manylion ar y nifer o anheddau sy’n gymwys i dalu’r dreth gyngor yn awdurdodau lleol Cymru am y cyfnod 2010-11.

Dyma’r prif bwyntiau o’r datganiad diweddaraf:

• Cyfanswm nifer yr anheddau sy’n gymwys i dalu’r dreth gyngor yng Nghymru ar gyfer 2010-11 yw 1,320,647, sef cynnydd o 0.6% ar y flwyddyn flaenorol. Mae’r cyfanswm hwn yn cyfateb i 1,178,237 o anheddau band D. Gwynedd sy’n dangos y cynnydd mwyaf (1.5%), ac wedyn Sir Fynwy (1.3%).
• Rhondda Cynon Taf sydd â'r nifer uchaf o eiddo band A (44,152).  Blaenau Gwent sydd â'r gyfran uchaf o anheddau ym mandiau A a B (84%), Sir Fynwy sydd â'r isaf (9%).
• Mae tua thraean o anheddau yng Nghymru yn cael disgownt o 25%, fel arfer oherwydd eu bod yn cael eu meddiannu gan un person cymwys yn unig.
• Mae 49,255 o anheddau yng Nghymru sydd wedi’u heithrio rhag y dreth gyngor, sef 4% o’r holl anheddau. Y categori mwyaf sydd wedi’i eithrio yw anheddau gwag a heb eu dodrefnu gydag 16,105; ac ar ôl hynny anheddau i fyfyrwyr (11,662), gyda 4,906 o anheddau wedi’u heithrio o ganlyniad i fod yn wag adeg marwolaeth.

Mae mwy o wybodaeth ar gael ar wefan StatsCymru.

Cyswllt

Ffôn: 029 2082 3519
E-bost: stats.finance@wales.gsi.gov.uk

Diweddariad nesaf

Ionawr 2011 (dros dro - i'w gadarnhau ar y dudalen 'I'w cyhoeddi cyn hir')