Cyfraddau Casglu'r Dreth Gyngor, 2010-11

Mae'r ystadegau ar gyfraddau casglu'r dreth gyngor gan awdurdodau unedol Cymru yn cynnwys data ar y symiau a gasglwyd, a ddiddymwyd ac sy'n ddyledus ar gyfer y flwyddyn hon a blynyddoedd blaenorol. Mae'r datganiad diweddaraf yn diweddaru'r ystadegau a gyhoeddwyd yn flaenorol ar 10 Mehefin 2010.

Dyma bwyntiau allweddol y datganiad diweddaraf:

• Casglwyd 96.6% o filiau'r dreth gyngor gan awdurdodau bilio Cymru yn 2010-11 – cynnydd o 0.2 pwynt canran.
• Bu cynnydd yng nghyfraddau casglu 11 awdurdod yn 2010-11.
• Cafwyd y gyfradd gasglu uchaf y flwyddyn hon yn Sir Ddinbych (98.2%) a’r gyfradd gasglu isaf yng Nghaerdydd (94.5%).
• Yr union swm a gasglwyd o safbwynt biliau 2010-11, heb gynnwys budd-dal y dreth gyngor, oedd £1,056 miliwn allan o’r £1,094 miliwn oedd yn ddyledus.
• Yn ystod 2010-11, casglwyd £29 miliwn o ôl-ddyledion o ran blynyddoedd blaenorol gan yr awdurdodau bilio, a chafodd gwerth £6 miliwn eu dileu fel dyledion drwg.
• Roedd £37 miliwn o'r symiau yr anfonwyd biliau amdanynt ar gyfer 2010-11 yn parhau'n ddyledus ar 31 Mawrth 2011.
• Y cyfanswm a oedd yn ddyledus ar 31 Mawrth 2011 oedd £81 miliwn.

Gwybodaeth bellach

Gwefan StatsWales.

Cyswllt

Llinell Ymholiadau Cyffredinol
Ffôn: 029 2082 3332
E-bost: stats.finance@wales.gsi.gov.uk

Diweddariad nesaf

Mehefin 2012 (dros dro - i'w gadarnhau ar y dudalen 'I'w cyhoeddi cyn hir')