Cyfraddau Casglu'r Dreth Gyngor, 2011-12

Mae'r ystadegau ar gyfraddau casglu'r dreth gyngor gan awdurdodau unedol Cymru yn cynnwys data ar y symiau a gasglwyd, a ddiddymwyd ac sy'n ddyledus ar gyfer y flwyddyn hon a blynyddoedd blaenorol.

Dyma bwyntiau allweddol y datganiad diweddaraf:

• Casglwyd 96.7% o filiau'r dreth gyngor gan awdurdodau bilio Cymru yn 2011-12 – cynnydd o 0.1 pwynt canran o’i gymharu â’r flwyddyn flaenorol.
• Bu cynnydd yng nghyfraddau casglu 11 awdurdod yn 2011-12.
• Cafwyd y gyfradd gasglu uchaf y flwyddyn hon yn Sir Ddinbych (98.0%) a’r gyfradd gasglu isaf ym Mlaenau Gwent (94.9%).
• Yr union swm a gasglwyd o safbwynt biliau 2011-12, heb gynnwys budd-dal y dreth gyngor, oedd £1,096 miliwn allan o’r £1,134 miliwn oedd yn ddyledus.
• Yn ystod 2011-12, casglwyd £29 miliwn o ôl-ddyledion o ran blynyddoedd blaenorol gan yr awdurdodau bilio, a chafodd gwerth £6 miliwn eu dileu fel dyledion drwg.
• Y cyfanswm a oedd yn ddyledus ar 31 Mawrth 2012 oedd £84 miliwn, gyda £37 miliwn o’r swm hwn yn ôl-ddyledion.

Gwybodaeth bellach

Gwefan StatsWales.

Cyswllt

Llinell Ymholiadau Cyffredinol
Ffôn: 029 2082 3332
E-bost: stats.finance@wales.gsi.gov.uk

Diweddariad nesaf

Mehefin 2013 (dros dro - i'w gadarnhau ar y dudalen 'I'w cyhoeddi cyn hir')