Dangosyddion Perfformiad Addysg Uwch, 2008/09

Yn seiliedig ar gyhoeddiad HESA, mae’r Bwletin Ystadegol hwn yn cynnwys data ar gyfer Sefydliadau Addysg Uwch yng Nghymru ar lefel genedlaethol hyd at flwyddyn academaidd 2008/09. Mae’r bwletin yn diweddaru’r ystadegau a gyhoeddwyd yn flaenorol ar 9 Mehefin 2009.

Bwriedir i'r dangosyddion perfformiad ddarparu gwybodaeth ddibynadwy am natur a pherfformiad y sector addysg uwch (AU) yn y DU a set gyson o fesuriadau o’r perfformiad hwn.  Mae'r dangosyddion perfformiad yn ymwneud yn bennaf ag ehangu cyfranogiad, nifer y myfyrwyr sy'n rhoi'r gorau i'w cyrsiau a chanlyniadau. Mae'r dangosyddion yn gysylltiedig â sefydliadau addysg uwch yng ngwledydd unigol y DU.

Dyma’r prif ganlyniadau o’r dangosyddion perfformiad ar gyfer Sefydliadau Addysg Uwch (SAU) yng Nghymru:

• Roedd canran y myfyrwyr ifanc, llawn-amser sy'n astudio ar gyfer eu gradd gyntaf ac sy'n mynd i AU o ysgolion neu golegau gwladol yn 2008/09 yn 93.2 y cant (88.5 y cant ar gyfer SAU y DU).
• Deuai 32.5 y cant o ddechreuwyr ifanc, llawn-amser sy'n astudio ar gyfer eu gradd gyntaf o gefndiroedd economaidd-gymdeithasol isel (Dosbarthiad Economaidd-Gymdeithasol Ystadegau Gwladol - Dosbarthiadau 4-7) yn 2008/09. Y ffigur cyfatebol ar gyfer y DU oedd 32.3 y cant.
• Yn 2008/09, deuai 10.2 y cant (10.1 y cant yn y DU) o ddechreuwyr ifanc, llawn-amser sy'n astudio ar gyfer eu gradd gyntaf a 12 y cant (11.6 y cant yn y DU) o ddechreuwyr aeddfed, llawn-amser sy'n astudio ar gyfer eu gradd gyntaf o “gymunedau â chanran isel yn cymryd rhan mewn AU” – y  gyfradd uchaf yn y DU ar gyfer dechreuwyr aeddfed.
• Roedd canran y dechreuwyr a oedd yn astudio ar gyfer eu gradd gyntaf (2007/08) a roddodd y gorau i'w cyrsiau yn dilyn eu blwyddyn gyntaf (h.y. gadael neu beidio â pharhau) yn 7.4 y cant ymysg dechreuwyr ifanc llawn-amser ac 14.9 y cant ymysg dechreuwyr aeddfed llawn-amser. Roedd y ddau ffigur yn uwch na'r ffigurau cyfatebol ar gyfer y DU.

Gwybodaeth bellach

Gweler y cyhoeddiad a oedd yn sail i'r Bwletin hwn, a hefyd data ar gyfer pob SAU, yn gwefan gwefan Ddangosyddion Perfformiad Addysg Uwch: Swyddfa'r Wasg

Mae'r Bwletin yn cynnwys cymariaethau â gwledydd unigol yn y DU.  Hefyd, gellir gweld y wybodaeth hon ar gwefan StatsWales.

Cyswllt

Ffôn: 029 2082 5043
E-bost: he.stats@wales.gsi.gov.uk

Diweddariad nesaf

Ebrill 2011 (dros dro - i'w gadarnhau ar y dudalen 'I'w cyhoeddi cyn hir')